平安夜

這個聖誕隨了很多功課還很多約會(是第一次如此),
昨天是姐姐以前在我校的朋友來我家開party,
因為很久沒見吱吱高的關係,十分興奮,
亦因這樣想到art的題材了->懷念/回憶。
今天才完成了一份數學功課呢..
下午去了以前同學家(剛從外國回來)開party,
平安夜的關係,所以早早回家。
JPC的朋友本約我明天回會所玩,
我卻終於把起心拒絕了,
一來想留點時間做功課,二來這聖誕差不多每天外出,好像對不起家人呢
(26日約了以前的老師Ms Ng,27日要幫學校賣旗,28.29日要回校做art功課)
而且,小了我一個也不會有問題(大家只是去玩吧),
我去了也不知幹嗎,
免不了會想起一大堆未完成的事,
還是老老實實做好功課吧~

聖誕

這幾天收到了同事,老師和朋友的禮物。
謝謝大家呢!
這聖誕很多功課，
沒法子休息了...
我要加油喔...>"<

同事Rebecca送的食物袋,其他有她女兒製的餅餅,好可愛:







巧巧的禮物Chocolate:



瑤瑤的禮物:



Ms Vatil的禮物,自製的餅餅:

家長日

今朝JPC singcon初賽要做工作人員,
尋發左個惡夢+聽唔到鬧鍾聲..
8:30先起身...9:25先到會所...
完左阿sir請飲茶..
沿路Janet同我傾計...突然叫我唔好咁易相信人..
令我好奇怪呢..我也不算易相信人吧...
之後家長日,家姐代去,>"<
中文差得很....不過見到老師好高興呢,
接住去買野,好累呢...
很多事未完成,時間多點就好了...
給我多點吧....="=
總覺得雖然好想努力完成每樣野,但努力完,結果一事無成.........
總不能令爸爸媽媽滿意...好氣餒喔...
但我還有很多東西要兼顧....真的快受不住了...........

繼續努力

恆生銀行個比賽輸左lu...
本來仲希望可以羅d獎金交學費...
都係無望呢..依家又冇工返住...
下年學費點好...
今年每月660我仲比到..
下年每月900幾..真係未必比到....
如果考第一有獎學金就好啦。
今日運動會決賽,
係cwb上車時撞到Miss Hung,
佢話知唔知我考第幾,我話唔知..之後佢同我講我考第一,
仲話佢好開心...真係好想攬住佢講多謝....
多謝佢一直以黎既關懷"老師,我愛你">W<....
返去同家人講...一點驚喜都冇..
重話"你有冇諗過你係重讀。
"聽完好悶...老師還比家人更能鼓勵我呢...我要繼續努力~!
...不過art個邊咩都未做...完全冇idea...點算...
近排又成日突然好心驚..唔知驚D咩,但會驚到想喊...
我突然咩都諗唔到點做,只想努力但腦子空白一片...

改善

終於考完試啦~係有史黎考得最好既一次,
英文Listening 100, 數學同chem第一次9字頭,91同93.5。
近幾日都幫英文老師改功課,
事因佢太多野改,做唔曬,
連佢老公都要改埋一份。
...我對d功課對到嘔,分數計到死,因為d答案...
一係grammer問題,一係D人抄功課都抄錯曬,RDU-90變左ROV-90。
完全唔知點比分好,結果Miss叫我比鬆d,
明佢意思就比分...所以呢...老師真係唔易做,
無奈一d任性既學生都唔體諒,一次又一次激d老師...
相信好多老師都諗過唔做吧....
今日係JPC週會,見到Janet呢~>W<,
又見識多左啦~
不過身體唔太舒服可能琴日冷親,所以快去休息~

血光之災?

今日做司儀,雖然有d講錯~但都幾順利~
老師都話我進步左,Miss Law話進步左好多波,果然大左唔同D...
有咁大分別嗎?我又唔太覺..
之後做完上返班度,上樓梯時,前面個人本書"FING"左向後..
打到我個鼻..我痛到流眼淚,
個人對唔住都冇講就走左..
完全唔知邊個...
個鼻當時涼涼地,以為自己流鼻水...
又有D痛...按住鼻鼻返班度...
點知一入到去,
聽到竟然有人同Miss講我流緊鼻血(當時仲流緊眼淚),
我先望望隻手...成手血.......="=.....
放學時,Miss Yuen送返佢生日既回禮我...
我第一次收佢既禮物...
仲係我最喜歡既老師tim~
真係唔捨得食~
但唔食好浪費~

Ms Yuen 送的chocolate條喔~好味的~>W<:

好欺負?

今日去OceanPark旅行,
自己一個過得很自在同開心,
畫下畫同睇動物。
大家還是熱衷於玩電動遊戲,
我只是想靜一下^^"。
動物都好可愛呢~
之後搭99去太古開school club meeting,
我諗住一路畫畫,
旁邊個男仔坐左係我旁邊係咁睇住我畫畫
之後唔知幾時訓住左...
係咁訓落我度..
我係咁迫向window..
我地之間亦格住個袋,
佢係咁訓落我度壓住左我隻手
又就訓埋落我個胸度...
我唔知點出聲...
拎去後面想搵人幫我叫佢起身,
點知後面個2公婆get唔到我意思...
好彩架車咁arm"chok"醒佢..
個賤人仲伸懶腰扮曬野!
我即刻走落下層坐....好興呀>"<
我真係好好欺負咩..
做咩呢d野總係接2連3!
我其實成日都想對呢d人破口大罵,
無奈永遠做唔出。
下次再咁,我真係要勇敢d嘗試>"<

今日部分相相:

特別的一日

早上懶懶的,遲了起床~
衝了出門趕上學~
因為今天便服日,要早上學Onduty。
把Cake送了給Ms Yuen了~很開心呢
但擔心個Cake...好似打得太耐。
之後早放同Ms Hung去羅綠色校園獎,
其間詳談很開心...我要加油>w<"

對不起

今朝Daddy Mummy吵架,
所以影響左心情。
今日JPC有大function,
係維園有道路交通安全嘉年華。
今次依然做接待加歡樂小姐,
期待左成年希望同Janet做得好好睇睇,
但就因為心情影響,頻頻出錯,激死Janet。
同關心研帶手花時帶得好慢...
之後上台遞委任狀個時又差d仆倒,
Janet即刻換左我落台。
我太心神恍惚...
知道自己做得唔好...
好對唔住Janet,
所以之後喊起黎....
雖然大家其實冇怪我,
但過唔到自己....
我等左咁耐既一日竟然攪到咁。

疲累

心身都好疲累。
我係好努力希望做好每一樣野....
但時間永遠唔足夠,
做出黎既野都冇我希望咁好,
所以呢一刻我真係覺得好累。
星期四特地早起,四點起身做功課同溫chem
(因為星期三個晚太累,但星期四又測chem)
以為自己做好曬所有野,
好安心咁返學....點知原來仲要測中文...完全唔知...
仲要第一堂,溫都溫唔到。
結果0分....
雖然全班得7個合格(因為大部分人都唔知)
但都極唔開心...今年第一次唔合格...
之後放學art,今次黑白素描,畫極都覺得唔平均同覺得差d野...
但講唔出,
project個邊又諗唔到壁畫點好,
激到自己喊。
呀媽近排成日放學洗我買依樣個樣又買送,
都唔諗下我書包幾重...
我永遠好有耐力搬幾個大石返屋企..
佢都好似覺得好應該咁....。
再對埋一個咁唔生性又煩既細佬...
結果自己落山個時係咁喊....
我真係好努力架啦...
但有時真係支持唔到...
仲有好多其他野諗...
依排連落canteen都唔想落,
想自己一個清靜下...
連Janet都唔想煩佢啦....
我真係唔想再諗野,對唔住....
成日幫唔到Janet...

宣傳防止罪案

今日防止罪案環島行,要幫防止罪案科派宣傳單張,
10點係警察總部出發。
搭架開蓬宣傳防止罪案既巴士。
第一次搭開蓬巴士,感覺好新鮮,
不過坐上層真係眼耳口鼻都吹到冇曬~嘻~
我側邊個氣球令我好辛苦..成日頂住我,又驚佢爆~
所以結果整爆佢算~
我地第一站係柴灣興華村,
之後銅鑼灣Sogo
跟住返警察總部酒樓食lunch,
有芒果糯米池>W<
勁開心~
食完有cert比返我地。
之後中環天星碼頭派,
d賓賓好好笑地話想要我地宣傳單張個環保袋。
接住去香港仔利東村上樓派,
d人係度扮唔係度。
唔係警察都唔開門。
我個邊呢就唔話有野送比佢都唔出黎="=
個function到5點完,之後返總部解散。

今日function張cert(我覺得好令):

開心

原來~為左你愛既人整野~
成功率高好多架!
我今日整蛋糕比Janet,終於打到D cream啦~
勁爆開心>3<
Art畫既畫~
老師好滿意,仲周圍宣傳~
好開心呀~不過開心之餘都要繼續努力呀!!!

迷茫

星期一,二放學排舞,
星期三,四早會表演宣傳
(第一次著的咁..yeah.,同..係咁多人前咁露..不過Dancing都幾好玩..有Dcool咁...嘻~)
之後放學修art,因為提子已經畫完,所以星期四個日開始畫蘋果....
但反而唔識畫..激到我想喊..
阿sir送左本畫簿比我..
走個時我check返電話先發覺家姐send過電話比我話今晚睇movie..
諗住打返比佢..
點知一出學校門口就被人"咇",轉頭見到Daddy係架車度,
之後同我講Mummy入左學校搵我...
最後比呀媽罵做咩唔聽佢電話。
勁爆唔開心,
學校都唔開得電話!
有時我覺得任性既係佢地唔係我羅!我係學校呀!
仲以為我可以隨傳隨到咩!
近排仲比以前check得緊左好多...
每每放學都check住,溫習又check住。
放學休息訓下都要比人話!
我比起以前努力左好多架啦!!
想我點姐!前晚發夢..
比佢地迫到我自殺都仲比佢地罵緊...
再咁落去我會巔架!可唔可以唔再煩我!
我唔細啦!我自己既野會有分數!
唔好再expect我隨傳隨到跟住你地!
星期五本來唔洗返學架!
不過想返學整board,
又唔想DaddyMummy知我整,
所以依d時間做就最好,唔洗放學整~
因為星期四冇辦法買畫紙,
所以個日帶埋d功課出去M記(太古)做等文具店開。
買完11點返到學校做學生會個board,
lunch時間撞到Ngsir同馬sir..
佢地帶左我落canteen同其他老師一齊食....
但好大壓力..所以食唔落...好快就走左。
結果個board整到5點幾,
比返d野Ng Sir既時候,佢送左個jelly比我...
我第一次收到...佢送既野(佢個樣唔似會送野比人),
所以有d唔啥得食...嘻

Ngsir送既jelly:

努力

秋天啦~感覺好特別呢~有種好懷念既感覺..
開學冇耐..要做既野真係好多,
JPC,學生會,DanceClub,環保學會。
今年仲報多科Art,要做7個專題報告,
好似大學生個d咁,個阿sir好有心幫我,每星期我會留2日學Art D野。
星期五無上三堂,兩堂要見社工。
一堂+Lunch要攪學會聯招,
放學要排舞,到五點幾趕去JPC開會。
星期六賣旗,期間幫左隻小喵喵,
不過有時冇好好咁處理事情,激死Janet了..對不起。
時間真係唔係好夠用..........
我好希望每樣野都好好做到,
雖然真係好累
但有時我都幾鍾意忙既感覺,
令我覺得好有存在義意。
我會努力架..好希望大家都支持我。
要努力喔!!!JANET!!雖然唔係成日接觸到你,
但我知你關心我架!嘻~

無奈

尋晚本來11點幾訓
但訓訓下2點幾無啦啦哮喘..
迫住起身搵藥..但搵唔到,
個時家姐都未訓,話可能我對部殺菌機敏感。
佢熄左後去訓...
我就繼續咁搵藥都唔見,決定繼續訓左就唔覺.......
但我根本訓唔到...
都呼吸唔到,諗住拖住家姐陪下我..
點知佢已經訓著,無意識咁"fin"開我隻手。
我爭扎左好耐諗緊好冇睇醫生,
因為唔想花錢...
但條命要緊...最後自落樓搭的士去瑪麗..
去之前打電話通知打緊麻將既媽媽。
媽媽叫我叫醒Daddy車我去。
但我話唔洗~因為我自己一個都得,
又怕Daddy罵我亂放藥。
...去到後比左$100="=
...我屬緊急類..姑娘帶左我吸氧氣..
插住個鼻好痛...佢話醫生黎之前吸住先....
其間我聽到隔黎(隔住簾)個女仔又係發哮喘..
佢有2個朋友陪佢的...
周不時佢地講英文~
後未佢2個fd出左去買野食,
醫生黎左後叫我吹氣後比我吸氣管擴張劑...
之後醫生又去隔黎叫個女仔吹氣..
個女仔吹得唔好比人話..
醫生罵佢好大煙味
問佢一日食多煙後再罵佢呼吸唔到仲食咩煙。
個女仔等佢d fd返後勁講fuck...
其間我吸氣條管係部機度彈開左...
因為我部機係佢地個邊...
我又唔好意思...好彩佢個女仔個fd見度...
又知我吸緊氣就叫佢另一個fd(男仔)幫我插返條管,
之後個個女仔拉開左我地之間既簾~
個男仔見我個氧氣蓋條像根"cool"唔到幫我整...
個女仔同我講"佢係醫生黎架,唔洗驚~
雖然佢唔似~但唔會非禮你..."...
但其實我條像根好大..我根本"cool"唔到...
後未個女仔比醫生叫左去第二度...
我吸完氣羅左藥..又搭的返家...
今晚共用左148來回加醫藥費.....
........咁就白花我慳埋慳埋一星期既食飯錢....
真係有d唔開心....五點先返到家..
訓到一點先起身.....浪費了一朝時間

灰

我都想投入d,負出多d架。
不過..........我真係有心無力。
我都想好似大家咁一齊出去...
好似其他人咁...有咁多朋友仲成日一齊玩。
="=真係唔知要等到個時要幾耐....
......講真,我唔係唔愛我Daddy Mummy,
但我個心有幾愛佢地同負出左幾多....
佢地都感受唔到。
點解人人永遠同緊朋友一齊,
我就選擇留底陪你地?
點解每次你一個電話打黎
我就放底所有野做你d野先?
點解你地永遠一時一樣
明明個個聽唔到你有講過既野都話自己有講?
人地杯茶甜都可以話我?
我話唔洗買書包都要閙我!
我發覺我真係漸漸同佢地難溝通。
近排發覺佢地成日偷偷check住我,
雖然我冇出聲,但好多野佢地都暗示我知"我好清楚你D野"...
而近排媽媽閙我好喜歡講,我唔乖唔孝順唔為屋企著想。
每次一句唔孝順唔為屋企著想.....我已經可以重創趺落谷底。
永遠咩都係我錯.....咩都係我唔arm!
就算我為屋企諗左幾多野....想信你都唔會明。
我出去有時仲開心過係屋企!
我受夠啦!你地好煩呀!
我真係好想快d搬出去!
反正我都唔係乖架啦,再衰d又有咩關係呢!

與老師約會

11點幾出去羅尋晚做的蛋糕回校。
等到老師開完會也一點了,
第一個是陳副校見到我...
我將蛋糕交比佢,佢自動問我係唔係自己做,我話係~
之後佢問我有冇搵Ms Yuen..我話我未見到佢,
陳副校竟然話Ms Yuen 11點已經走左,
可能有野做,所以有點失望。
不過都唔緊要,之後有我鍾意既Ms Chu同我食飯~
佢話因為我推曬D約呢~
始終佢教低班好難見佢,我地只有依D時間見下傾下計。
不過下年我會幫佢Dance Club手,應該可以見佢多d。
今日同佢好開心呢...

卻步

早上做蛋糕比彤彤佢地,中午同佢地食飯。
之後下午去開會至8點幾。
總覺得自己...雖然很喜歡Janet,有很多話想同佢傾訴,
但明白佢太忙,根本冇咩機會同佢傾計,
上次LeaderCamp不過例外...
晚上回家,本來跟Daddy說聲明天去會所...
但佢同我講唔好成日出去,
話如果中四又唔合格就唔供我讀書。
我個心...真係好傷。
我之前因為明白佢地唔鍾意我出街,
大部份活動都已經唔參加。
7月頭明明同我講叫我多d出去,放心參加JPC。我當然落力做野。
但依家一下子又將佢自己之前講既野推左咁...
我其實一直都知道佢地唔鍾意我出去,
上年有次要去JPC D活動,晚上訓了時,
確切聽到媽媽向Daddy投訴我成日去JPC,要佢話我...
根本佢地就唔鍾意我去JPC!
但又成日扮到好支持我咁!
想我點!我一係就落力幫忙JPC,
但如果佢地成日要我就住去,咁一d義意都冇,
我零願佢光明正大咁叫我退出,
話我知唔鍾意我出去,唔好成日等我有期望,結果失望。
講真,JPC係好有義意同正途,我平常都唔出去,依家不過去JPC。
佢地都咁......令我好有保留...
總知..依家個心好痛
佢地成日同人講我地成日唔出街,
就算叫我地出我地都唔出...
根本我地一早知佢唔鍾意我地出街。
好心唔好成日講到咁偉大話比我地出根本就唔想我地出去!

繁忙天

早上學做2個蛋糕,ChocolateDelight同Strawberry脆脆。
下午拿蛋糕給巧巧同瑤瑤。
之後佢地陪我買書,買完返去巧巧屋企食蛋糕~幾好味的。
晚上同concon佢地食飯,幾開心呢~
不過有d悶,大家係度都打機。

今天學做的ChocolateDelight:



今天學做的Strawberry脆脆:

漂亮天空

今天見天空很漂亮所以拍下了相相:

入營四

一直自由活動到下午離營。
我地搭大巴返會所解散,Madumo個2個女要中途落車走。
走左之後,Janet即刻鬆曬,講佢d野出黎,又話我講得最多野今次,
連我都忍受唔到,證明個女仔幾勁...
話我又唔係佢面前爆..又唔講粗口。
大家都好似好其待我講粗口咁。好笑...
返會所拾完野就返家了。
細路去完camp返黎送左個Bear比我,幾可愛的。

太古回家中途拍的花花:



太古回家中途拍的天空:



細路送既Bear :

入營三

朝早五點幾扎醒左,本來諗住訓返,點知聽到閙鍾聲,
望一望係個女仔電話一直都冇起身熄...
我又唔想叫醒佢,個鍾好耐都未停...
到個鍾停我個心諗住好啦,可以繼續訓。
點知每5分鐘響一次...都冇人醒...
到第三次Janet都起埋身,大家一齊望望佢個度...無奈咁。
結果6點先停止。
Janet叫我繼續訓。
最後6:45起身,我地8:00早餐,
個女仔點叫都唔醒仲用毛巾遮住面唔聽我地講野。
結果7:45先正正式式起身。
朝頭早食完早餐成班人番房聚賭,一檔打牌,一檔鋤dee,一檔玩牌7...
11點到day camp d小朋友就入黎喇,我地都落去草地度玩攤位。
Lunch之後同Janet呀san畫肖像..唔靚的。
過多陣響小食部hea到3點幾去搵Janet...
同D大人映相後。落草地影大合照。
番房等bbq~柄埋人地房度傾計,因為太難受的關係...
一次過說出Madum大女的事.顯得太激動,大家都笑我了....
個女仔成日講粗口,講野又大聲都算..
但成日講自己有幾慘幾慘,話d人成日排斥佢,
話呀媽成日罵佢,仲係我面前講Janet...真係好煩,
講真...佢要人點對佢就睇佢點對人先,一個唔識尊重人既人,人地點會尊重佢?
一個辛苦生你養你既媽媽罵你打你一定有理由,
你估佢唔心痛咩!最後,佢明知我同Janet既關係仲成日係我面前講佢,
係咩意思呀!我竟然係為左一個被害妄想症既小公主...
會係JPC度發惡晚上BBQ,個女仔又耍小姐脾氣唔食野,
因為同房D小妹妹燒完想返房,所以我決定早走帶佢地返去,
卻因為咁而令Janet吻了我一下>W<
是第一個親人以外的人吻我呢,算是初吻嗎?
嘻~有點興奮。返房後,先比o個個女仔沖涼,
我就沖最後,以免其間有d咩事發生...
但要發生既始終會發生...
事因其他區叫我地join玩水戰我地唔join,
係我沖涼時,出面玩水戰太嘈,o個個女仔出左去用粗口罵人。
真係無奈爆...完全唔為我區著想仲唔諗住認錯真係難攪。
其間又聽到佢罵佢Daddy又無啦啦罵佢個妹,勁唔鍾意佢

與同房 D 小妹妹:





被拍以留念:



與小妹妹做星星:



與東區警官合照:

入營二

出奇地冇掛3號…大家依然可以玩。
食完早餐就有個禁毒講座,訓著左所以Janet生氣了。
跟住個幾兩個鐘都係整個個禁毒模型...我覺得好似垃圾一堆...
食完lunch之後番去present
頒獎其間自己返房練笛,因為晚上有歌唱表演我要伴奏...
點知大會話我地唔早通知所以唔比吹
所以我用左d時間訓覺。
Dinner後表演,事出突然因為sasa緊張
所以陪佢出去唱,最後拎到"最佳演繹獎"。
之後有胡琳+張繼聰表演。
唔識的,冇咩興趣。
返房後..個madum大女又係度煩..
成日係度講粗口...我真係受唔住...
本想去叫Janet快d返房...
但無奈佢心情都好差..見我時語氣不太好地問我做什麼..
我講唔出..被罵一早說過不要亂走,因為staff會查房...
所以我也心情不好回房悶悶入睡。

放榜+入營

放榜....成績早已知道很差...
所以一個月之前與家人詳談後早向學校申請重讀中四。
老師派回成績單後已立即找副校長交信。
副校長口頭答應左話冇問題,十一號之後先正式通知我。
之後同家姐去太古,係會所擺低行李後去UNY同家姐買野食野,
其間好多人打電話比我,好感動。
十一點幾返會所,briefing完左就開車出發,點幾就到左烏溪沙~
響hall度等其他區到哂同分好物資ge時候已經4點幾了,我等到訓著,仲比Janet偷拍。
分房同左Janet加D呀sir,Madum既姪女呀~女一齊。
番房安置d野既時侯,
一位Madum既大女無啦啦發脾氣,話我地d少年警訊啤住佢。
真係激到我死...邊個會啤住佢呀...
我同佢講我地d入得camp既少訊人品大都冇問題..唔會啤住佢,話佢太敏感。
佢話D人啤住佢因為佢肥。
根本冇人介意佢呢D野...無奈。
之後6點幾食dinner食完去左hall度有個動物醫生ge分享會,
哈哈d狗好搞笑sasa條褲俾隻口水狗流左滴口水落去~
直落再聽埋兩個知識產權同網絡罪行ge講座就番房了,
夜晚成班響度狂刨哈蜜瓜同雜食,
因為如果打3號波就會走,
唔想搬番d瓜番去所以就食哂佢

大食會

今日係離職後第一日,
朝早11點去學做黑森林蛋糕,出面好大風呢...
在沒食早餐的情況之下去做蛋糕~
但好開心呢~
其實也不難做,不過我沒有充足的設備在家中~
學完搭了小巴回家留下的小巴站轉車去少年警訊,
但強風關係...把我心愛的傘吹破了...
用了2小時去會所呢...
今日係會所係咁食~打邊爐,食蛋糕。
大家對蛋糕都很喜歡,所以好高興呢~
8:00離開了會所,Janet陪我買生果呢~
之後各自回家。
今個假期都幾充實喔~^^"

今天學的黑森林蛋糕:

臨別

明天就係我最後既一日啦。呢幾日同d同事都好開心。
尋日6:00起床做左蛋糕比同事,大家都在派小食呢~
今天很空閒,下午興起畫畫,有同事提議我畫下每一個人~
大家都顯得很開心呢~
明明以為自己不太在意離職,但現在卻有點不捨得。
想著與同事間的一切,
與Hoby吵架,
Marco同Ming因為保護我而留下在公司食飯陪我,陪我傾計。
Rebecca成日請我食野,Zoe好靚女同友善。
Nancy,Warda同Grace都好照顧我。
其實第一次我暑期工,真的很不錯了~

一 起 做 暑 期 工 的 同 事:


部 份 同 事 的 小 圖 圖:

領袖訓練營

兩日一夜的領袖訓練營,今天結束了~

雖然領袖訓練的活動大都跟以前在學校的一樣,

但因為Janet的存在,令我更投入玩耍。

琴日出發時其實大風大雨,難以外出。

不過最後都好順利,意外的今天天氣也好好。

跟Janet的隔膜打破了。

重拾以前的感覺,很開心,興奮。

我大部份的活動時間都與她拍檔。玩得好開心。

晚上訓覺,我們都訓上格床,而且是隔離,

熄燈過後,我們細細聲的傾談著,說了我的近況同感受,也得到Janet既回應,

談到約2點~我地先訓,第一次同朋友在晚上這樣談著呢。

第2天的活動不太難,之後自由活動。

lunch後到了"雲泉仙館"參觀。

拿了平安符給家人。

回程在旅遊巴上與Janet拖著手一起搭著肩膀訓著了,

很溫暖同幸福的感覺呢...^W^。

心裡有說不著的快樂,只要和Janet一起,我便很快樂呢。

這次也是一個開心的經歷呢~期望我們能永遠維持這段友誼。

我和心愛的Janet:

生活改變

搬了不足一年,快耍又搬了。
近來不快的事接二連三...
可是,盡可能都控制一下自己,常常提自己要變得堅強。
因為始終不小了,是時候開始到我照顧爸爸媽媽...
雖然在一些事件中,我沒法做些什麼..
只能保持自己比其他人冷靜,盡量令爸爸媽媽冇多加既壓力。
因為我明白好多野唔係永遠,從小時已預左突發既事發生要點做...
加上我依家其實有能力照顧自己,有需要我唔介意出去做野,半工讀。
琴晚,媽媽訓唔著...見我同家姐未訓問我點解未訓..
.我話冇呀..畫下畫,媽媽帶d生氣問"你仲有心情畫畫?咩你唔覺得好恐怖架咩?"
我同家姐答"其實我地依家做唔到咩野,但如果表現得咁驚,爸爸會有壓力...
而且我地都大個,唔介意出去做野。
媽媽聽完已經喊...
怪自己唔好,話爸爸娶錯佢...
我同家姐好努力安慰媽媽。
媽媽,其實你比好多人做得好好多架啦
I LOVE YOU !

星下閒談

近來家中有d事,所以盡量留係屋企。
公司D Project接近尾聲了,我既工作量亦日漸減少,每天開始倒數...
距離合約滿的工作天剩餘8日了。
晚上飯後,Daddy在露台觀星,把我拉了出去。
其間亦談到我將來,我表達想多考一次會考,將來考警察。
Daddy希望我去返學校重讀,亦表達唔介意我重讀中4。
所以最後,我決定嘗試請老師比我重讀中5,唔得就重讀中4。
之後大個考警察,即使幾多人唔睇好我,我都會盡力完成我既目標。
跟Daddy這天的閒談,心情放開了...
今晚好多星星呢...有3顆流星喔,是好的開始,好的兆頭嗎?
近來感覺自己沒以前情緒化,平靜了點...
JPC的朋友們也打過給我說會考出路的問題,
雖然沒什麼心去傾,但也感激他們的關心...
大家也說我近來獨立了,什至有人問是誰教我...
我可不是小孩,本身也很獨立...
不過在大家一起時希望輕鬆一點,加上不停的經歷一些事,
思想亦越來越成熟,人不可能永遠留在孩子的時期...
總會不斷經歷一些新事物而學習,
學習如何與人相處,學習如何面對困難,學習如何處理事情。

出賣

尋日返左公司之後唔舒服,早退去左睇醫生。
其間醫生有問我既情況,我草草答下冇咩特別。
由於媽咪有d私人野想問醫生,要我叫醫生打比佢,
當時我再一次提醒醫生我家人未知我件事,要求佢唔好提及。
但係門口聽到佢同媽咪傾電話時有問到我既野,已經好擔心。
晚上,Daddy返家向我發怒,罵我有幾唔舒服要訓係床度!
之後昭我入房,罵我做咩社工搵完佢又到醫生搵佢。
做咩同外人講咁多野,做咩要隔住人同佢講野...
我如夢初醒先明白自己比人出賣。
之後Daddy係咁話我,話我做咩諗野咁偏咁唔成熟,
做咩睇心理醫生,以為所有野都因會考引起。
依家我既問題係,明明要求左醫生同社工唔好話比我屋企人知,
社工亦講過可以唔通知我屋企人住。
依家我真係好後悔之前咁信佢同講咁多野佢知,
點知佢係第一個出賣我...我以後唔會再信佢!!
你已經破壞你係我心目中既形象,"翁姑娘"!

同事間溝通

返工一直以黎,都冇咩太大問題。
因為一早預左返工辛苦,有咩都唔會點出聲。
但有時一個人忍耐度都有限...
一直返工以黎都被同組大我2年既3位同事取笑我唔出聲,同聽覺有問題,但一直都冇反抗過。
今日卻忍受不了而失控了..
事因係一中午大我2年的組長問我想lunch去邊
本來我話我諗住去百佳買蛋糕算,
之後佢話"下?百佳餐?好熱氣波...我armarm先生左2粒瘡jar"
咁我話去太古樓既canteen
佢又話"我唔想去個度"之後話去返黃克克個canteen食,佢又話"下,咁日先去完jar波。"
咁香港大學得三個canteen,
其中1個裝修緊,其餘2個佢又唔想去。
最後我話咁落山食面羅,
佢又話"下,咁遠..."之後返左去格離。
當時我己經無奈但都算。
後未佢返過黎答我"咁落街食面啦。"
由於上次落去係因為同事Rebecca帶我,
我地lunch得一小時,上山落山時間好趕。
當時我並冇認路,因為自己食飯我唔會出街。
所以同個位同事講"我唔識路架,你識唔識?"
佢話識之後問我"知唔知間野叫咩?"我話唔知啦。
點知佢望住我問"你究竟有冇諗過你個腦用黎做咩?"。
我聽完真係好興,拎轉面唔理佢,
之後佢問"你唔應我?"
我當時真係興到上心口,不過冇出聲。
我一直比佢串咁耐都忍到,但呢句真係好唔尊重我同好侮辱我。
食飯個時我一直無出聲,
食完個時佢先問係咪嬲佢...
我話唔係,之後好快咁上返去。
上返去就即刻咁工作打字。
但無意好大力咁按keyboard。
同事都問我有冇事,我話冇,但之後佢地走曬食lunch時。
到我忍唔住喊...仲手震,有D失控...
我從來冇諗過自己會係返工時間失控...
所以好驚。最後係佢地返黎前我都失控返到自己。
當自己完成左自己工作之後,就伏低休息,
其間同事Rebecca叫了我出外傾計了解事情,
亦解釋個位同事因為工作時間唔長經常講野前唔思考。
因為Rebecca年紀較大,思想較成熟亦好關心我,
所以我都不自覺咁同佢哭訴。
我明白其實公司好多年紀較大既同事都好關心我,
但有時有D野我唔想人知得太多...
而且我覺得一個人無論講咩同做咩都應該負上責任,
唔係真係樣樣話細就可以原諒架嗎,何況對方大我2年!

身心疲累

今晚飯後被Daddy強迫到樓下club做gym。
拖住疲累既身軀陪左佢。之後竟然有D想嘔...
返到屋企發覺Janet打過比我,唔知點好,唔敢打返比佢...
因為唔知點面對佢。
所以sendmessage,沖涼個時諗返起我地過往既一切...
竟然喊...我真係好重視佢呢。

畢業禮

今日係最後一日返學校,
講真...個畢業禮真係好悶,
但係最後唱歌既部份好令我感觸,
回想起呢幾年既一切,加入少年警訊,做司儀,仲有發生好多事...
入hall個時,陳老師搵我,所以完左畢業禮想搵返佢。
Ms Yuen走過黎同我傾計,我話想搵陳老師,
點知佢即刻打手提幫我搵陳老師,仲加多個"凱蕾話好掛住你,想搵你呀。
"第一次見到Ms Yuen咁...風趣。
其實我都好鍾意Ms Yuen架,不過總唔知點同佢溝通。
上到去同陳老師傾計,佢問我做咩瘦左咁多,
加上我掛住佢同覺得對佢唔住既感覺,
一時間有d失控,同佢講返我d事。
一直以黎,我受左佢唔少既恩惠,佢對我既照顧比好多人多,
佢帶我入少年警訊,亦比左好多機會我。
佢對我既信任令我願意開始去信任老師。
但我係呢一刻,竟然入左少年警訊委員會後決定退出,浪費佢一番既心機。
我並無同佢講我決定退出一事,但講左憂鬱症既野佢知。
佢既笑容,對我既抱擁.....
令我眼淚不停咁流出.....
之後要見翁姑娘,再一次見到MsYuen,
本來翁姑娘諗住幫我約MsYuen一齊食飯,
但佢約左同校董食。
我同翁姑娘落山食完飯上返學校傾計,
佢真係幾好人既...之後返到屋企訓到食飯,
Daddy飯後入左我房傾我將來既問題,
希望我自己有計劃,我同佢講我想讀心理學,可以做社工。
佢擔心呢個工作會容易影響我情緒,因為成日要聽負面既野。
我明白我會考唔可能得,所以決定重讀。
Daddy亦問過我有無諗過向其他方面讀,
我話我有諗過但明白自己無咩潛質讀。
最後佢亦提到想我擴闊返自己既圈子,
我話我其實無咩所謂。
當佢問到少年警訊既時候,我都反映我可能退出,
但會完左月尾LeaderCamp先決定。
當初入少年警訊只因個時人手唔足夠,
佢地想我幫忙,但依家人手多左,
我亦自覺自己根本唔夠投入佢地同D活動,
搬左屋之後更難抽出時間參與,加上工作,
每每都遲到會議,即使佢地並唔介意,但我都唔安樂,
所以退出既話,可能對雙方都好,
亦可以比更有工作能力既人加入。
我知自己一直都同人溝通都有問題,
所以依家咁避開同人溝通,因為溝通令我身心.......都好疲累。
但將來,我會慢慢去學習........點去踏左我既第一步。