勞動週~

今個星期真係忙到爆炸呀~
所以預先星期六，日做定星期三要交個十題chem~
因為睇極都唔明既原故，做左好耐...本來想做埋雜文既..不過時間唔夠
星期二同星期三有小學生黎學校
我要幫忙帶組至lunch~

星期二:lunch仲要Eng Corner on duty
lunch後傑出校友講座做工作人員
..返到屋企散散地....
但未做中化雜文...結果訓到11點努力作埋文先訓
唔知係咪泠親...勁發冷流鼻水...於是食左幸福感冒傷風素先再訓

...星期三:冇咩精神...繼續帶組...不過小朋友好失控...羅我命...
lunch...太累既原因...班房好嘈...上左bio lab訓到上堂

由於bio堂後係週會~唐sir要做遞獎狀..似乎本來想搵我幫忙，之後搵左美玲
美玲問阿Sir做咩唔搵我...
阿Sir好體諒我咁講"Rainbow忙左2日，人人都搵佢做野，人都散啦，所以唔搵佢啦"
當時我聽到真係覺得好感動好warm架...
因為我真係好累又有d唔舒適，累到想喊...

2日只上左1堂...覺得自己唔似返學咁...

之後星期四又要測chem...本來係要溫書既...
不過超級發冷流鼻水下，我決定去訓，訓之前食左幸福感冒傷風素
但冇開冷氣既密室下，我用1張被加1張冬天毛毯仲發冷........
5點醒諗住溫書又流流流鼻水..所以訓到返學...出門口又食多次幸福感冒傷風素
偉大既幸福感冒傷風素..幫我順利過到今日~
雖然前一晚冇溫書..但好彩平時做功課專心加返學時再補..
今次Test都算識做...
朝早上台幫手頒廢紙回收獎見到台下Ms Yuen...
覺得佢好耀眼，好令呀~唔知係咪因為呢幾日朝早撞佢唔到掛住佢啦~嘻嘻
小息溫chem期間，同學衝入黎話我知我上雜誌~

原因係:
饑饉三十幅維他相嬴左呀~!!!!恭喜組員嬴到佢部相機組合呀~開心爆~


夜晚仲要留校幫手校友晚會~
0900離開撞到吱吱高~
幸福地一齊下山去~kaka

不過....3日既假期..功課如此之多..
Bio Trip report..
Chem ballon report..
Eng composition..
中化 廣泛閱讀
隨筆
巧克力網上閱讀...

救命呀~\(>o<)/

我的第一個饑饉三十

星期六早上要返去High School Musical
要著返戲劇衫去映相~
Ms Law幫我地極速化妝，我唔慣化妝~
佢同我畫眼線時，我流曬眼水:P
呢2位就係High School Musical做Sharpay同Ryan小妹啦~
佢地成日叫我皇太后~事因劇中佢地成日要奉承我~
佢地條裙好令架~好似去ball咁~


因為要趕去饑饉30~我映完相換返衫就即走~~

第一次參加就要做隊長既我，去到場聽完briefing同羅好物資
就去草地等我d組員~
我地係004小隊~位置係VIP席後面~超近個台~視覺超好
total 250隊~我被編到咁前~很幸福的啦~



我D執行指引同組員名單~total17人後來有多2個轉黎我組~1個帶19人...型爆


我既臂章~

等緊組員期間...開始落雨~



睇下個鐘~佢會倒數~仲有好多明星參與活動

到D組員黎到~雨已經好大~我組有一半老人家一半中年的
不但年紀都大過我~參加饑饉30都十幾年~
顯得我好渺小~不過我喜歡同佢地一齊多過帶青少年~
因為我冇一般青少年咁活潑~同齡既好難控制~
雨~下個不停
原本要去玩遊戲~老人家因為大雨唔去~我地其他只玩左一個~
我已經成身濕曬~加上見到其中一個組員病緊~
所以我就決定唔玩..大家去看台休息啦..



我地一路等到夜晚~
期間我因為比雨林得好濕，風縷都好濕~加上比風吹住..
我涷到震....但身為隊長..唔想比人知~



暴風雨下既場地~變左垃圾岡~

我部分組員~大家對我好好呢~令我好感動~呢d都係緣份

後來大會因為天雨關係將我地安置係室內運動場~

我d資深既會員叫左我上看台~

因為咁~夜晚訓覺比好多人鬆動得多啦~

睇下個欄~d人用曬黎乾衫

睇2朝朝早敬拜....之後有分享~估下係邊個

係...唔記得佢個名...

之後活動又要出返草場~好彩停左雨~

個山好有仙境feel~

係組員帶領下映左好多得意相~係我人生中既第一次~>w<

後來發現~佢地每一年都映呢 d相~做留念

以為我地賣廣告嗎?其實係組員為左嬴維他公司個比賽

個比賽係要映維他產品係饑饉三十既相~嬴左有部相機

呢個係大會義工用氣球做既快樂小孩



我地既證書

距離完結時間仲有...

呢個係好照顧我既阿姐~

我好喜歡佢~...

令令既周慧敏助養大使~細個時係我偶像~

完結時~銅鑼聲響起~

之後組員約左我食飯~相中部份係組員以前既隊友

是次帶隊..雖然大家知我叫Rainbow..
不過都叫我組長.../阿長
注意既..係佢地叫個長..係長短個長
最後因為佢地覺得Rainbow個名太長
講左句~不如你改名阿長啦

其實我以為饑饉三十好悶~諗住帶完隊就走~

冇諗過自己挨到30個鐘，冇諗過識到咁多朋友~

活動中一次又一次見到第3國家既小朋友~

心痛之餘再一次提醒我自己幾咁幸福~

如果下年可以...我想再同各位參加饑饉三十~

我無後悔參加今次活動~因為真係好有意義呀..

ps:相片由組員karen提供

今次破左我寫blog最長既紀錄

Bio Trip

2日1夜既Bio Trip終於完左啦~
印象中，中學7年生活，我第一次同同學仔去camp~
因為之後都冇時間，所以去camp之前幾日都用黎趕功課
終於比我係去camp前一晚趕好~
我地當日要8:15到荃灣，我約好幾位同學700係調景嶺出發
本來set左鬧鍾600，點知我熄左再訓過，
到同學700打比我時先知自己訓過龍仲cut左佢線
結果我用左幾分鍾時間衝出門口..好彩阿sir慢過我地~~
天文台預計當日大雨~我仲有d擔心，好彩半夜落曬雨~
天氣比預計好~只係考察第2個地點時落微雨
第一日用曬時間考察2個溪流同做一部份實驗~
呢個係我地第一個地點
可惜生物量好小~唔好睇佢咁好水流~其實前晚落雨先咁jar~


心形既葉係芋~下面會有芋頭~正常唔係水中的~證明佢係落雨先比水浸左


第2個考察地~昆蟲同蚊爆多~多得蚊貼同蚊怕水~D蚊只咬左我2淡


我係度捉左好多野~好多魚魚~唔好誤會我虐待佢地呀~我地拿拿林映完相就放走佢地架啦~




隻蝦~擺左個令post..


呢隻係同組組員映到既"六斑月瓢蟲"~勁可愛~~


第一日活動5:00就完~之後全部自由時間~我6:00食完飯就訓完10:00~
原本要大家一齊預備第2日既presentation的~不過個個去左玩射箭同桌球，
我唔想玩~一直訓~講開~我地女仔得5個人~所以同其他學校d女仔同房訓~
男仔人數夠多~同阿sir自己一間房~我地女仔房個view既令架


到佢地返曬黎~我就起身落去(男仔房)10:00~
當時一班玩緊鋤d(連阿sir)一班uno~
我去左玩鋤d~結果意外~成績好好~阿sir同同學話我一坐低就黑住佢地..
之後我下一局就有同花順~大家即時尖叫="=
結果玩到1200大家先開始預備個presentation
~唔知邊個咁得閒羅我部機映我地
呢個就係當時情況~
另一邊係英文組~
部電腦係場地供應既~apple~~唔識用~用到我想巔~我地入完相~1:00再訓~



:P好啦~訓啦~希望聽日饑饉30順順利利~

假期!?

一直以黎既PE堂、謝sir成日都會同我地講人生道理，督促我地
記得佢係我地F4.5時已經講過，你地記住，所有假期你們其實都冇份，比心機D讀書!!
今個假期功課只完成2樣...
未做中化同chem既book report、CA功課，未預備好chem實驗....
琴日 饑饉30 leader training由朝早直落9:35.....
返到家累到死...有點後悔當初冇堅決reject人地
雖然活動好有意義..我怕自己兼顧唔到...
話咁快中六生活得返幾個月...距離高中生活完結時間又近左....

Puff大作戰

考完試，忙到爆炸，前日趕好功課再同圖書館趕設計書籤
阿青話我成日畫動物，想我畫漫畫公仔
最花時間都係上色~因為係咁疑惑用咩色..填完又改
第一張成品 ..其實我有個part填錯左，唔知大家有冇發現呢?


第二成品冇映相~畫左和服女孩，勁快用d現成backgroud圖填色
我比較喜歡第1張，不過d人鍾意第2張

琴日放學要去JPC 開會，我估今次係我最後一次返東區，
我兼顧唔到太多野，上便同秋姐講退出~
意外見到Janet..佢送左手制cookie比我~>W<




前排整左puff，細路同同學都會喜歡，我答應過考試後再整的
不過由於技巧上唔太記我得，我第一批焗得偏硬，
不過今次成功煮到吉士~~

第一批用花唧嘴，個紋幾喜歡~








第二批用左圓嘴、可以用chocolate畫圖案，呢個係哈哈笑小姐




寫左家人名字頭上去



由於puff食得太快原因，琴晚又整過~
熟能生巧，開始識控制個爐~今次仲靚過上一批~
其實事因JPC A.Leader叫我去join饑饉30做leader
係姑媽同各老師支持下，我籌得$2010~~~
所以整過D puff做回禮同比想食既同學
改用左cream同chocolate cream 做餡~不過冇映相
我覺得cream好似好食D，但細路依然係吉士主義~
陸運會決賽比大家食完，大家好喜歡~Ms Yuen都好鍾意~好開心呀我>W<
之後大家一齊返屋企~我好幸福喔~

今日陸運會決賽....
晨早MTR走錯路..發緊夢既我要去柴灣，應該係Quarry Bay轉車
我係North Point先落車..仲走左過對面
上左車後，望一望，咦，個箭咀掉轉方向既??
先發現，我上錯車..去左炮台山..要再轉返車.......
Ms Yuen話..我確實唔適合讀地理，因為我冇咩方向感.....kaka
今日累到爆，上次廣播3人一齊做..今次一個去左推鉛球，一個失聲
我一個人講足成日..平時好少一次過講咁多野...
加上無啦啦有啦啦隊比賽要全校參加,
叫完到我就失聲....
今日意外地勁超時...
接力、跨欄用左好多好多時間，
d同學仔講極都慢慢行........
不過今次廣播比上次做得好~:)

今個假期節目表
4/10 饑饉30 leader 訓練全日
4/14 環保學會活動-睇珊瑚
4/15 約左傻婆Moe同Ms Yuen食飯
4/16~17 Bio Trip
4/18 早上: High School Musical
4/18~19 饑饉30
有5日時間趕功課...
饑饉完30 小時，要返學~