今夜我不想睡

7歲既小莉，同我生活左六年...
最後我地都要面對離別..

中午時分，剛煮好爸爸既拉面..
正要關窗開冷氣，睇到小莉灘係小金旁..想翻身翻極都翻唔到
我立即睇下咩事..
見小莉雙手被小金壓住
我薄責了小金，推開佢
拉返小莉雙手出黎.
發現出事...
小莉雙手申得直直的..冇彎曲又唔縮手..
我嘗試抱小莉出籠，佢全身申得直直的..軟弱無力
放係地上時，成個訓係度唔太郁
個刻我已經明白佢係時間走啦
屋內媽媽見到我，明白咩事..只同我講...小莉老啦
媽媽叫工人係地下鋪上報紙同毛巾等小莉舒服D
見到小莉咁辛苦..爸爸媽媽叫我比BB安樂死..
原本諗住帶佢去附近診所，不過收成$650
爸爸就著我去五金鋪買哥羅芳,等佢送走BB..媽媽就叫我多買一札花
事因我一路喊...唔知五金鋪D人係唔係以為我想自殺..
一口同我講佢冇哥羅芳...
當我同媽媽講完...媽媽話爸爸聯絡左愛協
同兔B安樂死只需$100
但由於愛協2點先開工
期間我一路睇住BB
媽媽見兔兔仲肯食提子..
就比左幾粒我餵BB
BB已經唔肯飲水..但我都希望佢死前做隻飽鬼
比左一碗糧佢...BB都食左好多
但食完又死死地
到2點幾同愛協聯絡好...
爸爸就車左我同BB到灣仔愛協
盒子內除左BB...仲有一札花
到達時，我放低兔兔比職員
本想睇住打針..陪BB最後一程
但識員怕我難受..亦唔太方便
最後我都堅持走之前..
望多小莉一眼...
當時小莉已經打左針..
爸爸陪我入去...個一個情景
相信我永遠唔會唔記得
小莉彊硬既身體...眼睛未合上..
喊緊既我..最後只說了一句"bye bye啦，小莉"
爸爸拍了我一下頭便一起離開
回家途中，媽媽打來跟我說"唔洗喊，佢係老死架，佢黎到我地屋企已經係福份"
唔想家人擔心既關係..我好快止哭
同媽媽去買食送
分散注意力..散心

究竟我既決定arm唔arm
BB係唔係叫去得安樂
我實在唔識答

但一返到屋企見到籠裡得返小金，我個心又拿住左
望住小莉d相..我實在忍唔住流眼淚
雖然一直預左小莉有離開我既一日
但日子來臨時...始終冇辦法忍住眼淚..扮堅強
其實小莉每大一歲，我就愈擔心
坦白講，小莉同小金..我係偏愛小莉
我唔會忘記我地初次見面你係個箱度,伸左個頭出黎俾我摸
咬斷屋企二條寬貧線，又成日食左媽媽d花攪到我比人罵
更加唔會唔記得你個為食鬼一開櫃通就知有野食,就算幾遠都匆過黎

近幾個月..你真係瘦左好多好多
摸你時感覺似皮包骨咁..我個心真係好痛
但你又唔停咁食..仲好活潑咁

BB...
唔知你成日見到我對住你做d白痴動作會有咩感覺
但我好想你知...我好愛你
多謝你呢幾年一直陪住我成長

又唔見八達通

3個月唔夠..我又唔見左八達通...
上次八達通套留左張辛苦挨30個鐘唔食野未去玩既Ocean Park票
今次八達通套留左張我同Jarvis+Harold上次英文活動既合照.....
無奈之餘，發覺呢幾日大洗左好多

首先.出街袋爛左...見特價..買左個$139既香賓金令袋
之前白色既係傻婆幫我簡既
我好喜歡..但白色唔com污租
成日見D白色袋就好心動..但都仰制自己簡個實際d~
事因屋企人好喜歡出街塞野入我袋加上依家出街又收膠袋費
所以簡袋時都盡量簡大小小

然後，上2星期比工人洗爛左件紫色新衫
難得我有件黑白色外既衫又喜歡..
媽媽扣完工人錢叫我去買過..
但我去睇返時已經冇曬啦..
今日出街買尿片比兔B
竟然比我見到一件令令既紫色衫..原價290.有六折..
原本只諗住只買一件..但sale話簡多件有8折..折上折
結果我心癢買2件衫..洗左三百..

加埋兔b洗費..雖然好喜歡件衫..都難免有d心痛

首次做親屬以外的babysitter

話說7月時Ms Vaitl發現我住既地方同佢好朋友係同一度
於是有次過黎佢朋友度時約埋我~大家認識認識
但主要目的係佢朋友兩公婆今個月有2日要去朋友婚禮
唔方便帶小朋友去，希望我到時幫忙照顧佢地2個仔仔
初初我問媽媽意見時，佢坦然唔比我去，怕小朋友有事我負責唔起
不過後來見過2個小朋友後，見佢地好乖加上我地住得近
就決定偷偷幫忙~
照顧小朋友既經驗我地都算多既
事因我同家姐係表兄弟姊妹中最大2個
除左3個移民左去加拿大既，以下4個連我細路
我地都要係大人聚埋時照顧班細既..

琴日就係我首次成為親屬以外的babysitter...
不過老實講我冇照顧過佢地~只係人地屋企由6:00呆到11:00
事因主人家唔想比小朋友知佢地出去
出門前已經哄曬2個訓..期間我係飯廳訓左一陣..溫書..作文..睇小朋友英文故仔書..仲去左偷窺
冇錯，係偷窺..
主人家客廳有窗台..改成梳化床...我坐係窗台..見到對面大廈..身邊又見到個望遠鏡..
我呢個八婆就走左去偷窺..睇人地做咩..大家都專心睇電視..
我冇得睇就唯有睇人地啦~~:p
不過最後怕人地見到我~所以又唔睇~
結果主人家返黎見我懶乖咁溫書~比左$220我
扣左飯錢..我坐幾個鍾就有200..平均$40個鐘
咁筍..我都唔好意思收..
不過小兔d野花左好多錢..我自己補完呢$220都未夠填數..........

To 也加子小姐~

Dear 也加子小姐:

今日終於係商務買到你本書"也加子@橫濱"啦，
而今日遍Blog都係為你而寫
當初開始睇你個Blog~係Yahoo既一個連結
當時我睇完一篇就已經覺得好吸引~繼而睇返曬你以前既post~
我對日本文化好有興趣
而一個香港人嫁到日本實在令我好奇你點樣適應個度既生活
睇既當中好多涉及可愛既娃子~
為我增添左唔少既樂趣~因為我好喜歡小朋友
每每見到你既手藝~都令我好佩服你好似樣樣都咁掂
根本估唔到你當初其實樣樣都唔識~~
我喜歡你個Blog咁寫實~喜歡你既坦白~~
雖然好少留言
作為一個將應付高考既我，
每日睇你既Blog成為左我既樂趣
從睇你既Blog至睇你本書~
令我了解你份人同時都令我好欣賞你~
其實我用左好小時間已經睇完你本書啦~
我好感受到你寫比家人既個份心意~亦都好感動~
同皇帝一樣~我睇個時都有D眼濕濕架~
見到你地雙方為對方既付出同家人對你地既支持~
真係令人感覺好warm~
可以既希望你都幫我同皇帝講聲~佢好正呀~keke
相信好似佢咁細心同咁為人付出既男人~已經好少見
不過原以為你會寫下娃子d野架~
睇唔到有小小失望~
係你同皇帝既教育下~相信娃子會係一個好孝順既女仔~>W<
希望你下次返黎香港會有機會見到你啦~
我估我住係你娘家附近~
因為上次你返黎香港~同皇帝行個街市係我屋企附近~~:p

祝你事事順利，一家幸福快樂!

囡囡

Tea With Kin & Caroline

等左咁耐..終於係Kin既協助下約到Caroline同我地食飯啦
Musical完左時~原本有慶功宴..
但H1N1既關係令我失去左整野食比Kin 同 Caroline既機會...
所以係我努力下..終於係Facebook搵到Kin..約佢同Caroline食飯..
我實在好喜歡整野食比喜歡既朋友..隨左係想表達我既心意
係因為整野食時我會好開心到有成功感
結果引致當我出街比錢食唔到水準高過自己既食物時會好失望
因為心諗我比左錢..廚師學過野..煮野水準應該高過我..
今次第一次整左其他cookie...過往整既係公仔牛油cookie..
想嘗試d新野~
網上實在好方便..睇人地d blog..咩食譜都有
媽媽話..d廚師唔使撈啦~都冇秘密既~咩食譜都網上有
今次用左一個朝早同下午整左3款cookie~
包括黑糖提子燕麥曲奇，朱古力曲奇同格仔曲奇
我好喜歡黑糖提子燕麥曲奇，朱古力曲奇..個味道有d似Mrs field
但涷左就冇咁好味..家姐細路喜歡格仔曲奇..但我自己食唔到有味
所以送比人時千叮萬囑要心焗返熱先好食~

一日整咁多~望左覺得好有趣~
但小食多滋味..
成日食會膽固醇超標...





見到Caroline我真係勁開心~
佢真係勁令女~人又Nice~
仲為左男朋友黎香港..浪漫到呢...
不過一如以往..我見親d喜歡既人...
明明成日想見,見到又冇野講...
恐怕我悶親佢..下次唔陪我食野ToT

Kin就多多表情好攪笑..
話說佢黎緊中途比人截住話佢好有潛質做佢地model...kaka
佢仲玩返人轉頭..

我地去左CWB一間餐廳Tea..不過我同Harold食個個烏冬
真係難食到爆..結果我地食埋Caroline個通粉~~

Kin 同 Caroline
你地咁忙都陪我地食飯...多謝你呀!!

暑假頭~

懶懶既我~好耐冇寫Blog啦...
一次寫返幾日啦
上星期~每朝早都游水減肥..明明有查防曬都變黑豬
結果爸爸買左130度防曬比我
星期2,4同Derek~郭智成溫習...但溫完好似冇溫咁

星期日同Ms Vatil+佢仔仔+佢朋友同佢朋友D仔仔食飯游水
因為佢朋友同我住同一地方~:p
游水時發生左d意外...
結果我又做翻譯工作..

然後今個星期日日都有d野攪
所以游唔到水又約唔到時間溫習

星期一返左學校羅成績表+結業禮
Chem成績真係差到爆
詳細考慮自己能力後
可能chem轉AS
即我變左1AL+2AS
但呢個決定可能令我條路變得更難行
廣泛閱讀無啦啦羅左亞軍~有$100書卷
加埋之前書籤冠軍既$50書卷
我有$150書卷用~
近排Blog友終於出左書~也加子@橫濱~
等緊佢出~~~

星期二~朝早去做天灸冶療
個醫師按我穴位時勁想笑...
係唔係真係有用就唔知啦~
之後趕去同Harold睇戲~Hannah Montana The Movie..
因為天灸冶療用左好多時間..我到戲院時
套戲已經做左30分鐘
我一早叫左Harold入去睇住戲先~
等我到時先接我....
點知到左Call爆佢電話都call唔到
職員死都唔比我入
急到我就喊........以為自己要企係度等Harold睇完套戲
好彩後來我搵到個Staff同佢講我情況
佢好好人帶我入去搵Harold
之後話我知戲院內收唔到電話架...差d令我怪錯人
我覺得套戲好睇過HSM3 :p
返到屋企就比我down曬d歌啦~

星期三~朝早返學校帶中一英文活動~
因為人手唔足夠~我又拉埋Harold~
然後又比Mr Lam擺曬我地上抬..
佢好喜歡唔講定就臨時要我地表演...
首先係個3句白痴金句...
之後無啦啦要我唱首只聽左一次既歌
同表演HSM首歌..好彩我都仲記得歌詞...
唔係真係火羅到爆...
Harold仲咩都唔知比人擺出黎..
我覺得自己對佢唔住..
諗住放左請佢食野補數
點知Mr Lam比錢我地食飯~~

我同Harold+Jarvis負責帶唱歌組
唱"Money Can't buy me Love"
其間要拖手跳舞...
其實.....我同親人拖手都會好興奮="=
所以我都覺得自己有D失控
不過~同你地一齊我都好開心^^
走個時..見到帶活動期間識到既新生小妹妹...
Jarvis走去撩人...
攪到自己一身蟻....
因為個小妹妹好好動...係咁打人
MTR內遇上另一問題新生.....
個位新生男孩同小妹妹一見到..
就好似火星撞地球咁...
車廂內係咁話要開學隻揪...
無奈既我地只好分開2位..
後來Harold話我知個男仔以為我係Harold女朋友
仲問佢我地破處未..
面對呢班新生..
突然覺得我地學校將來好灰暗....="=

離開2位新生後~
我地3個去左食刨冰同行街~
期間大家係咁開玩笑
Jarvis話我係賢妻良母~
其實我到依家都唔諗住拍拖~結婚
我好清楚自己好難keep到長既感情
因為曾經深深付出過.....但每每都受到傷害
以上講緊既係友情...
連一段友情都令我感恐懼....又何況愛情呢?:P
傻婆竟然叫我睇心理醫生@@"

2位~今日同你地一齊我玩得好開心呀~>3<

呢張係人地d即映即有相機映的~~好有趣


夜晚同婆婆食飯~
又同BB玩~
好開心~^^

7月補課週

今個星期有3日補課...
不過老實地..老師講既唔太入腦...:p
因為佢講得好快...差唔多1日1課
期間佢比我地睇左全年總成績既表..
我竟然係全年全班第一.全級第4..不過Chem都唔合格
其實心中明白個排名唔可作準+我好清楚自己退步緊
所以要係暑假努力返~~啦
之後老師無啦啦叫我地打電話問後班主任~
晚上打比Miss~Miss話認唔到我把聲~
以為我係佢個女D同學@O@
雖然成日聽慣人地話我把聲好細個..
不過....其實有小小唔開心架..
因為個樣同把聲好細個係我搵工既唯一障礙........

今日阿青,雯雯同蓉蓉黎左我屋企整蛋糕
因為原本瑤瑤同巧巧會晚上黎整puff
所以為補返佢地生日蛋糕..我都整左個~
點知瑤瑤有事黎唔到~



而青青佢地整完蛋糕就落街狂掃零食....
知嗎...因為日日都住d咁平既零食..
我已經好抑制自己唔買零食架啦....

晚上~為迎接巧巧黎食飯~
我全餐自己下廚~整左蒜蓉包、煙肉磨菇忌廉意粉同琵琶豆腐
因為預錯份量...結果d野多到食唔曬~
巧巧~我好少全餐自己下廚架..仲難得樣樣成功tim~
雖然媽子去打麻將時~我間中會煮~不過多數只煮一樣~
因為趕住食飯~唔記得映相~~~
飯後同巧巧整左puff~~
比較喜歡落多d chocolate~~
:P


呢幾日~電視報紙都講緊天灸療法~
本身有哮喘同鼻炎既我~爸爸叫左我去報名~
個療法要係特定既3日去貼野~你估work唔work呢~?:)
點都try try la

暑假了~

因為H1N1既關係原本今個星期四返到星期一
改左只返星期四~一次過對完卷就放假
成績~除左Bio之外~其他都唔理想~尤其Chem~破天方得20分..溫通頂為咩="=..
不過全班得2個人合格~
CA第一次考SQL~我都合格算好彩啦
只好暑假努力~~~

講返今個星期~
上星期爸爸話想食甜蛋~所以星期二特登出去買方形pan同日本鼓油
因為唔想一個人行~
所以拉埋阿青~上面請佢食刨冰當生日禮物

第一次整甜蛋~都幾成功啦
睇真D~有一層層架~不過反得唔太好~中間有空隙~






當晚媽媽因為想見家姐~
迫左佢同佢男友黎食~
我地好似食聖誕大餐咁~



媽媽既炒蟹~正




今日開始放假~成日心癢癢想整呢樣個樣~
今次又新嘗試~整奶皇芒果糯米滋~
都ok既~不過我覺得軟身得滯..
包個時明明圓圓的~過左陣會慢慢扁
唔知呢個係咪D人用紙兜兜住既原因呢...
不過整完留低左好多奶皇、Mango同粉..唔知點好
上網睇有咩好整先發現...糯米好滯氣
對身體唔好...="=
所以我食完滯左成晚





晚餐想食脆皮豆腐...
點知開漿唔記得落油="=
炸唔到
於是做返舊個隻炸豆腐.....但個隻豆腐唔係脆皮...傷心

父親節!?

一年一度父親節~
我地冇慶祝送禮物~
因為呢個係我家習憤~無論生日、父親節定母親節
基本上唔點慶祝...只會口講祝福語就一齊食餐平日都食既家常飯
爸爸媽媽覺得真係孝順既唔需要父親、母親節
因為日日都已經係父親、母親節....^^

琴日家姐唔係度~
媽媽煮左d日本米放係"木台"面
我就問媽媽d飯For咩啦~
原來爸爸想食手卷~因為之前我做過壽司飯
所以經大家同意後我加左糖同醋變壽司飯
我地自助式配搭整手卷~有三文魚、青瓜、蟹柳、牛油果~
效果非常正~~~~因為之前整壽司我用既係雙羊米~用日本米實在好味好多
因為大家食得太落力..結果從來冇留低既牛扒、青魚..豆苗都因為冇肚食唔到...
爸爸好滿意~不過佢話希望下次有甜蛋~
我上網搵左資料點整~
唯一問題係~我要找一個方型既pan.....

By the Way
今晚落街買dinner比家人..
一出門就見到個d著住白衫好似外星人既清潔人員係咁清潔消毒
仲為數唔小~好奇之際~
原本我棟大廈有人確診H1N1呀!!!
希望上星期黎我家溫習既同學唔好有事呀!!!!

試後甜品

今個學期既考試..終於完結
除左BIO一科...
相信其他全炒..
Chem..通宵溫習..開卷唔識..接近交白卷
因為我溫唔切第一學期d野..結果出左好多
我又唔記得曬d野
即係..我溫左個d..大部分冇考
交卷時..沉重既錯敗感令我喊起黎..
今日英文...reading做唔切
Listening...快到聽唔切..又死
唔合格就唔合格，呢個事實..唔開心都冇用
只怪自己準備唔足..所以只可暑假狂追啦

我既試後活動..就係整媽媽想食好耐既焗西米蓮蓉布甸比佢
呢個甜品我地係細個時成日係酒樓食..但大大下又冇左
見媽媽近排話想食..我又見有食譜
所以應承佢考完試做比佢
第一次整..好成功呀~
媽媽開心~我又開心^^

中六終期考試開始~

中六終期考試開始啦~
開始一科係英文..感覺不會太差吧

Kaman協助下~羅返HSM D個人相~
家姐話好型~我就覺得感覺好有趣
多謝老師映得咁令~不過都可能因為化左妝:p
不過因為當時要去饑饉三十所以Miss左好多大合照冇映~
留意我隻眼...好似聚焦有問題~睇得出我隻懶惰眼既問題...





呢排落雨季節~令我班出現雨傘海既美境



今日考完試帶左幾個同學一齊返屋企留下會所先修室溫書~
先諗起自己..從未同過幾個同學group埋溫書呢..仲要全部男仔
不過如果全女班...我可能會溫唔到..因為佢地喜歡勁傾計..
感覺男仔專心d~
結果我地清靜咁溫到4:30
我唔知正常d人group埋溫書應該係點~係咪會勁discuss~
但我喜歡專心咁~靜靜地
因為上次帶左2個女同學返屋企溫書~佢地係咁玩同傾計..
根本冇溫過書...最後佢地個科成績唔理想..仲喊tim...
攪到我有d內疚自己冇好好督促佢地="=""
不過，今次我地溫到4:30走..其中一位同學自動話留低keep study~
可能會所環境唔錯啦~
Daddy Mummy日日係屋企罵人....
我點可能專心溫習呢~?
所以...盡可能都去會所溫書~
留係屋企~心好煩呀~~

學期尾聲

咁快就一年~
呢年黎一直忙於工作、學業
差唔多每星期六早起返學既我
隨住HSM既結束，唔洗再早起啦
突然一種空虛感湧上心頭...
星期六早上再見唔到Caroline~
再冇得同Harold返學~
再冇機會又唱又跳..
不過，呢一切都係我美好既回憶
......直覺...我地同Caroline會緣盡..
因為已經send 過mail比佢...但佢冇覆過我......
Harold~記得當初我地唔識~到成為朋友~都係因為HSM...
你係一個好樂觀，積極進取既人...永遠都唔令人失望^^
雖然..HSM已結束....但我地既友誼並唔會結束吧~
下星期五就考試啦~
但我並未溫書...只在做功課同report~
希望下星期做到每天溫習啦

感動中~

High School Musical....大受好評
實在好開心啦~
大家多是讚我的演技...
心愛的Ms Yuen說是好精彩~
:p 本身我的性格會感尷尬啦
想當初第一次練習...Caroline教我演我個句時...
我係怕羞到要求大家拎轉面唔望我...讀白時都不自然..

不過，今次最開心應該係Harold吧~
因為人人都讚佢跳得好好~樣樣掂~
仲有家人到場支持tim~

琴晚先發覺~原來令令Caroline係新加坡model..........
怪唔得~我覺得佢好吸引我視線啦~:P

Good Show~

今日係最後一場Show~
記得星期六rehearsal...
Caroline 話今日黎唔到..即當日最後一次見~
當時好唔捨得..感觸起黎喊:P...
Caroline 望住我~話我好攪笑





今日出show前..我等緊化妝時..kin突然比左一段message我睇...
原來令令Caroline send左message..叫kin同我講聲加油...
我係一個好易喊既人..
其實當時好感動...好想喊
但塊面擦左base同粉..怕濕左要擦過...

今日個show比上次反應好好多~~~
可能有自己班同學~反應好d啦~
原本有d唔舒適既我(因為早上肚痛左一堂..後來瀉左好d)~
感受到幕外既氣氛都high起來啦~
今日嘉賓都好多~完左show叫我地一齊映相
期間校長同我講"你仲似Miss過我"
我心諗"校長係男性...當然唔可能似Miss啦~kaka:p"


Harold & Jarvis~


We're all in this Together~



黎緊呢2位就係成日同我夾表演樂器既小姊弟..佢地F2 jar...
但2個都高過我~係我地學校係好受歡迎架~
呢個係家姐


我身邊白衫係佢細路~再過d個係~F1既~有d鬼鬼地


郎才女貌既2位導師~Caroline &Kin


是次場刊中既我~~家姐細路睇完話我好似~

今次打blog前睇個Karman個xanga...

睇完好感動...

點都好~我地大家一齊幾個月~

一齊唱一齊跳~大概係我口係 協同 最後一年既快樂回憶~

Guys~I LOVE YOU ALL~

Thank you for your support~

We 're All In This Together~ >3<~

& Best wishes for our coming exam

佈導會

事因今天晚上有佈導會
學校唔使我地朝早返..
我由琴晚12點訓到今日12點都起唔到身..
="=.........失血過多情況下...下午又訓...
因為自己唔見左通告..
唔記得要幾點返學..
同學話6點10..
我以為6點10分...原來係6點50分...
結果早到......
有個阿sir..一見到我..
就讚我覺得我今年做左好多野好outstanding...但提我兼顧學業
我好開心..但同時覺得好沉重
因為確實唔多唔小比其他野影響學業..
前天答應了Ms Vaitl專心學業...希望考好學期試啦...
之後佈導會到10點...餓到痴線...一大班同學齊齊去Dinner~~
我12點先返到屋企....
其間...有同學話星期三聽到低Form同學對Drama既驚人對話...
低Form同學A:你覺得頭先個Drama點
低Form同學B:我都唔明佢地講咩(我地Drama全英語),只知Karman(女主角)個波好大...
聽完..真係覺得.....小朋友....好恐怖
之後同學彈出一句仲變態..
"娃，Karma大D定Rainbow大D呀!"
......有時都發現...其實現今社會對呢d都已經毫無禁忌..
不過自己就要學習點面對...保護自己之餘又唔做得太難睇~
BY the way.....我想咁大架咩...好多女仔成日話羨慕我..
但其實我真係勁討厭咁大..又重..做運動又唔方便..又要成日比人笑...

忙碌期尾期

忙碌左幾個月~
終於到尾聲~
發覺前幾編blog都唔太開心~
相對某朋友既~佢思想正面得多呢~

keke~講返上星期先~
上星期全星期練Dance~星期三.五lunch~練笛forF5.7畢業典禮
星期一要攪問答比賽
星期三全班要幫手攪一個科學比賽
我負責帶其中一隊之餘仲負責買禮物~
真係冇咩機會見咁多零食架~kakaka







因為老師話想保持神秘感..要求我包禮物~
偉大既家姐幫我包曬d最難包既禮物~




活動後校長要求阿sir寫新聞稿....佢就叫我寫................

之後星期六朝早練Drama..then去睇B..再返學綵排畢業典禮..

星期一chem終於做Auto balloon(自動充氣氣球)正式實驗
我地個組可以話最成功既一組~
因為最脹、冇漏氣設計用心~~
Ms讚我地~開心爆~

我們自備既材料:


正面:


反面:
留意個公仔~係我特登整架~keke



脹左後~




不過..因為太多野做..呢排chem test...次次都要retest....
不過因為retest又可以做多d數~有好有唔好

記得呢2個星期為左預備實驗
買左好多次零食~細路幫我食完
我再係屋企自己試做~
期間仲嚇親媽媽~
事因媽媽知我要做實驗
當時我試緊邊隻薯片袋唔漏氣
細路發現其中一個漏左氣
我就話羅黎比我放氣啦~
媽媽坐我身邊..當時以為個袋有化學品
好大反應話:"你做咩呀~唔好住呀~等我行開d先~!!!!"
仲即時跳開~好攪笑

今日~終於到Musical表演日子~
練足一日....再表演...勁跳....散曬
化妝時..Ms 同我化得好行>"<
不過~今日大家都好專心~可以話係Good Show啦
希望下星期一樣順順利利啦~
今日呢場巧巧有黎~雖然遲左..但有心已好開心啦
巧巧話走時聽到有2個舊生話"真係幾好睇"
聽到好開心..都比左好大原動力我..
因為感覺d人冇咩反應...一直怕佢地悶...
其實今次個show演出低form人數佔最多
做Sharpay同Ryan小妹既都係F1...
上星期佢地班有男生笑佢地..
攪到Sharpay小妹喊得好勁..想退出
佢地第一次出大型show..
我明白佢地要面對d唔成熟既同班同學仔~
壓力好大~
所以我覺得佢地好叻架啦~
相對下
我地中六既幸福得多~
因為班中同學都好支持我地~
走個時不忘留下祝福語句>W<
謝謝~

:P令仔主角harold同學~kaka~好有鬼仔feel!?


唔小得令仔令女導師~佢地好襯~>3<



幸好明天放假~後日只返夜晚佈導會~再放2日
今日可好好休息一下~:P

心很痛.....

依家係2:08分am~
因為arm arm訓左幾個鍾
夜夜起來...一來為了功課...一來為了打blog....
老實說...心好痛
事情係...有人告密話我地班中同學成日做壞榜樣..係班中食野..
有D人成日玩得好巔...
確實D同學有時真係玩得好巔..唔似F6...
但要比同學投訴就真係難相信...
告密者寫無名信..本來大家以為F2學生...
點知係自己人.....
因為信中以某同學xanga作證據....
仲話我地既行為令人側目
首先..我地學校低form學校語文水平唔高..
識得用呢個字時我已好奇..
當xanga主人比老師叫走...
我地先明白...告密者係自己人......
因為呢位同學個xanga係有lock到..
只可以比自己人入....
大家同我講告密者係邊個個時
初初我都唔想相信..
班中有咁既同學
後來我先諗起個位告密者..曾經問我點寫"榜樣"呢個字
雖然佢今日勁同我講..佢因為呢件事比老師照肺
等我相信佢......
但各種證據都顯示佢就係投訴者
我唔清楚點解佢只同我一個人講
大概因為班中只有我肯聽佢講野..佢想留住我既信任..
老實講...我個心好痛...想喊
因為感覺自己間接出賣全班同學..
無錯..我無辦法指證同學
因為我自己有時帶左飯會係班房食....
老師......你大可記我缺點..
這方面..我自認自己唔係一個好學生....
我都厭倦羅住好學生呢個名啦
我係好任性..
但我覺得..大家唔係偷野...殺人..放火...
唔比學生課室食野..為保持清潔..
呢個目的..我地有留意..

如果我係中學生涯最後2年比人記缺點..
可能真係會有d心痛..
但最令人心痛..莫過於信錯人.....比人出賣

xanga主人翁.....與告密者同一間學校黎到我地當中....
一直以黎..我唔明白班中所有同學討厭告密者既原因
以為佢單純係性格自我..唔受歡迎....
xanga主人翁.....因為知佢比人排斥..都同情過佢.....
佢想唔到呢份同情成為左告密者對佢既妒忌......
比人出賣既感覺...實在令人難受
不過相信因為咁...大家都好支持 xanga主人翁
更令我地班團結(除左告密者)

只想說一句....
雖然我係一個易比人欺負..比人騙既人
但我都唔係完全愚蠢唔用腦的.......

又FULL SCHEDULE~!?

今個星期五..收到音樂miss比我既譜..
同我講下星期F5,7畢業典禮表演..
繼續同天才小姊弟夾
雖然佢地細我好多..但樂器已達演奏級..
同佢地一齊其實好有壓力..
因為覺得襯唔起佢地..
加上佢地唔洗點練習..我成日都想練多d夾好D...
佢地多數唔想練習..上一次表演只夾左3次="=""
雖然今次特登幫我改左份簡單d既譜..
不過要面對另一個問題...
今日HSM練Drama..因為27日表演..但仍好多野未OK
老師要我地下星期全星期放學練Drama
我星期一要攪環保科學問答比賽+測chem..
星期二補測chem..星期三要帶咩咩科學活動
加上功課...同練笛...
分分鐘又要通頂..........
嗚.........

講返呢2日..左手唔知幾時鈕親..痛左成個星期..
琴日放室開冷氣..我著風縷時唔知風縷條像根kick住左張櫈..
一企起身就比像根上粒野彈到左手手指瘀左..
小息..撞牆..左手又瘀..
左手做咩多災多難..="=

今日練Drama..上星期導師叫我著high heel shoes..
我一直都好怕著high heel
因為好辛苦.........
我仲要跳舞...
平時著平底鞋都仆倒既我..著high heel趺既機會又高幾成..
結果我未到最後一場dance..
腳已經好痛..
一路dance仲要一路唱歌..
結果係.......到我唱時已經無氣仲入錯音........
點算..只會下星期狂練....
又係時間要辛苦一下屋企人隻耳仔啦............

滿滿一週既 SCHEDULE..我會點過呢?

倒楣時期!?

上個月比工人打破左最心愛既兔仔大水杯
前幾日ipod壞左...
前日係學校比人偷左八達通......
好似樣樣野都唔如意咁...
點解話比人偷?
事因我同同班同學同一時間唔見野
佢唔見左電話..我唔見八達通
今日早會又聽到有另一位學生比人偷左電話...
我自己又衰既...
成日形住PE堂更衣室唔會有其他學生得閒黎偷野
咁多年都換完衫就留d衫係更衣室
點知咁就比人偷左裙袋張八達通
其實落堂返更衣室時見到自己d衫亂左...以為同學推開時整亂
當時又冇為意..
同班同學個電話仲明顯
唔見左電話打返去~初初通之後比人cut線~
今日早會聽到比人偷左電話個位學生...
佢就好彩d，即時發現到
有老師係d偏僻位置幫佢搵返~但捉唔到個小偷~

今日放學retest chem...又唔達標..
當時真係down到爆...
自己又衰既..呢2日太累..前晚通頂..琴晚KO bio project..
已經冇心機溫書..呢2日成日上堂訓著...
琴日返到屋企即刻係Daddy mummy 床補訓..
Mummy係我旁睇電視....我訓著時佢竟然咬我...
不過我太累...昏睡左既我..痛都唔醒...
媽媽大罵..你咩人黎架..咬你都唔醒..
媽媽同Daddy講完..Daddy又話我成日日夜巔倒..攪到身體差曬....
="=我都唔想架.....但當時累到唔想反應...
不過諗起又覺得自己好誇張下........
點都好.....我真係要勁溫chem啦....唔想唔達標..
下星期一又test...要加油啦...
成日唔達標..自己都覺得冇面見Miss...

一次又一次

.....呢幾日都好多功課忙..
今日放學攪好問答比賽後，
返左課室做多陣Chem先走..
放學返到屋企...突然腦中想起某朋友
其實早2星期前..見到佢眼紅紅已好擔心...
打比佢....先知道佢原來有d事....
識左佢8年啦.....
我地雖然語言唔同...有時唔明佢講咩...
但大家用"心"溝通，絕對明白相方心意.....
我好後悔自己唔早d搵佢....
聽到佢有事.....自己又忍唔住落淚......
人既能力有限...我一直都明白....
記得同樣既事曾發生過另一朋友身上...
當時我唔開心..搵佢傾訴陪伴...
估唔到同樣既事今次發生佢身上.....

當每當見到朋友有事我幫唔到佢地....
小不免有D唔開心.....
只能送上一句"I Love You"...

可惜~

大亞灣核電廠結果都係去唔成啦~
實在可惜~
原因係對方怕我地有病傳染比工作人員..
前幾日既Chem Test 滿心以為自己OK..
結果又唔達標...
好笑既係自己明明有機會合格~
錯咩?就係自己唔小心~
上面寫arm抄落下面計數時抄漏野
+計arm數無寫後面小數..所以全部冇分
仲有題明明識做都miss左............
嗚..下星期要補測..不過補測又係訓練自己既一種~

媽媽比我傳染左..
怕我又傳比Daddy..
結果，連係屋企都要帶口罩...
帶口罩既滋味..並唔好受...
好想快d好返.....

婆婆生日

冇寫幾日blog la~
事因幾日又病又要趕功課~
幸好bio阿sir~改左下星期三先收report
所以我今日終於可以休息一下
其實每次做好一份功課，我都好有滿足感，
因為距離自己可以休息既時間又多一d
我無辦法好似其他人返到學校先趕功課
然後一日推一日
因為呢種感覺會令我好辛苦
雖然又時我都係會最後一刻趕功課
但點都會前一晚通宵做好佢~
起碼之後訓教都訓得安心d :p

講返星期日婆婆生日~
又係大家聚埋一齊既時間~
又係玩BB既時間啦..
我好喜歡同BB玩~但..病緊既我
只好帶住口罩啦~唔好傳染BB嗎..

BB又精靈左，鍾意手指指~

每年同家姐都會映下合照~
呢張係幾年前~



呢張係今年~我地愈黎愈似樣...

真係唔知佢望緊咩..="=


然後循例既一大親親大合照~

媽媽教得13個月既BB畫畫..BB好傳神咁羅住支筆...有模有樣~:)

星期五要去大亞灣啦~但我仲未好返~

好怕人地唔比我入境呀~~~~!!

抵抗病魔

食左幾日幸福感冒傷風素..
結果~我都係抵抗唔到病魔...
感冒啦...又比Daddy鬧~
本來今朝起身佢地叫我去睇醫生~
但原來今日係公眾假期..D醫務所唔開
媽媽諗住帶我睇醫院，但Daddy怕我無啦啦比人隔離..因為依家敏感時期~
媽媽之後帶左我去藥房配藥..見好多人搶購口罩、消毒藥水、消毒濕紙巾...
情況好有趣...不過遲下我地都可能要買口罩..學校可能要求學生帶口罩以確安全
之後諗左好耐去唔去中化個講座..
最後考慮自己未必挨到..所以打左比Ms Yuen..
請佢幫我聯絡秀娟老師啦...
秀娟老師知道後冇怪我..仲叫我休息多d..好感動喔..
雖然病，但功課仍然要做架嗎~今日完成左3份功課..
仲有D report ar..希望做得切啦~

勞動週~

今個星期真係忙到爆炸呀~
所以預先星期六，日做定星期三要交個十題chem~
因為睇極都唔明既原故，做左好耐...本來想做埋雜文既..不過時間唔夠
星期二同星期三有小學生黎學校
我要幫忙帶組至lunch~

星期二:lunch仲要Eng Corner on duty
lunch後傑出校友講座做工作人員
..返到屋企散散地....
但未做中化雜文...結果訓到11點努力作埋文先訓
唔知係咪泠親...勁發冷流鼻水...於是食左幸福感冒傷風素先再訓

...星期三:冇咩精神...繼續帶組...不過小朋友好失控...羅我命...
lunch...太累既原因...班房好嘈...上左bio lab訓到上堂

由於bio堂後係週會~唐sir要做遞獎狀..似乎本來想搵我幫忙，之後搵左美玲
美玲問阿Sir做咩唔搵我...
阿Sir好體諒我咁講"Rainbow忙左2日，人人都搵佢做野，人都散啦，所以唔搵佢啦"
當時我聽到真係覺得好感動好warm架...
因為我真係好累又有d唔舒適，累到想喊...

2日只上左1堂...覺得自己唔似返學咁...

之後星期四又要測chem...本來係要溫書既...
不過超級發冷流鼻水下，我決定去訓，訓之前食左幸福感冒傷風素
但冇開冷氣既密室下，我用1張被加1張冬天毛毯仲發冷........
5點醒諗住溫書又流流流鼻水..所以訓到返學...出門口又食多次幸福感冒傷風素
偉大既幸福感冒傷風素..幫我順利過到今日~
雖然前一晚冇溫書..但好彩平時做功課專心加返學時再補..
今次Test都算識做...
朝早上台幫手頒廢紙回收獎見到台下Ms Yuen...
覺得佢好耀眼，好令呀~唔知係咪因為呢幾日朝早撞佢唔到掛住佢啦~嘻嘻
小息溫chem期間，同學衝入黎話我知我上雜誌~

原因係:
饑饉三十幅維他相嬴左呀~!!!!恭喜組員嬴到佢部相機組合呀~開心爆~


夜晚仲要留校幫手校友晚會~
0900離開撞到吱吱高~
幸福地一齊下山去~kaka

不過....3日既假期..功課如此之多..
Bio Trip report..
Chem ballon report..
Eng composition..
中化 廣泛閱讀
隨筆
巧克力網上閱讀...

救命呀~\(>o<)/

我的第一個饑饉三十

星期六早上要返去High School Musical
要著返戲劇衫去映相~
Ms Law幫我地極速化妝，我唔慣化妝~
佢同我畫眼線時，我流曬眼水:P
呢2位就係High School Musical做Sharpay同Ryan小妹啦~
佢地成日叫我皇太后~事因劇中佢地成日要奉承我~
佢地條裙好令架~好似去ball咁~


因為要趕去饑饉30~我映完相換返衫就即走~~

第一次參加就要做隊長既我，去到場聽完briefing同羅好物資
就去草地等我d組員~
我地係004小隊~位置係VIP席後面~超近個台~視覺超好
total 250隊~我被編到咁前~很幸福的啦~



我D執行指引同組員名單~total17人後來有多2個轉黎我組~1個帶19人...型爆


我既臂章~

等緊組員期間...開始落雨~



睇下個鐘~佢會倒數~仲有好多明星參與活動

到D組員黎到~雨已經好大~我組有一半老人家一半中年的
不但年紀都大過我~參加饑饉30都十幾年~
顯得我好渺小~不過我喜歡同佢地一齊多過帶青少年~
因為我冇一般青少年咁活潑~同齡既好難控制~
雨~下個不停
原本要去玩遊戲~老人家因為大雨唔去~我地其他只玩左一個~
我已經成身濕曬~加上見到其中一個組員病緊~
所以我就決定唔玩..大家去看台休息啦..



我地一路等到夜晚~
期間我因為比雨林得好濕，風縷都好濕~加上比風吹住..
我涷到震....但身為隊長..唔想比人知~



暴風雨下既場地~變左垃圾岡~

我部分組員~大家對我好好呢~令我好感動~呢d都係緣份

後來大會因為天雨關係將我地安置係室內運動場~

我d資深既會員叫左我上看台~

因為咁~夜晚訓覺比好多人鬆動得多啦~

睇下個欄~d人用曬黎乾衫

睇2朝朝早敬拜....之後有分享~估下係邊個

係...唔記得佢個名...

之後活動又要出返草場~好彩停左雨~

個山好有仙境feel~

係組員帶領下映左好多得意相~係我人生中既第一次~>w<

後來發現~佢地每一年都映呢 d相~做留念

以為我地賣廣告嗎?其實係組員為左嬴維他公司個比賽

個比賽係要映維他產品係饑饉三十既相~嬴左有部相機

呢個係大會義工用氣球做既快樂小孩



我地既證書

距離完結時間仲有...

呢個係好照顧我既阿姐~

我好喜歡佢~...

令令既周慧敏助養大使~細個時係我偶像~

完結時~銅鑼聲響起~

之後組員約左我食飯~相中部份係組員以前既隊友

是次帶隊..雖然大家知我叫Rainbow..
不過都叫我組長.../阿長
注意既..係佢地叫個長..係長短個長
最後因為佢地覺得Rainbow個名太長
講左句~不如你改名阿長啦

其實我以為饑饉三十好悶~諗住帶完隊就走~

冇諗過自己挨到30個鐘，冇諗過識到咁多朋友~

活動中一次又一次見到第3國家既小朋友~

心痛之餘再一次提醒我自己幾咁幸福~

如果下年可以...我想再同各位參加饑饉三十~

我無後悔參加今次活動~因為真係好有意義呀..

ps:相片由組員karen提供

今次破左我寫blog最長既紀錄