聖誕與Moe之聚

咁多個月冇見傻婆
終於約到佢今日見
今次我地約左去又一城
傻婆帶左我去EXP食野
對於我黎講.......d野真係好好味呀
所以之後叫家姐下次一齊去~
而今次個餐..傻婆話請我..因為我係學生
我係學生既原因..多數同朋友食飯..大家都請我...因為個個都大過我..令我非常唔好意思
今晚野食既相copy form open rice:

芥茉西冷牛肉Pizza



番茄忌廉汁蝦意粉


粟米蝦餅


之後我地去左行街街
當我係taste見到個支椰汁西米露...真係好有衝動去買架...
不過比傻婆阻止.....
傻婆話我好似攪笑左...
唔知幾時會再見呢...

平安夜

學校既聖誕假期24號先開始
23號學校崇拜~呢d日子
通常我會整野食比老師同學仔
今次做木糠布丁同朱古力
朱古力整到手軟~好彩家姐陪
包裝時累到想喊...我係傻既="=
total有成40幾粒朱古力同10幾杯木糠布丁架
結果又係好快派曬~
呢張相就係家姐最後懶~一大舊朱古力比我搓既製成品同正常製成品size既分別:


24日一早就要清潔兔B個竇~事因佢地唔知攪咩打架...個竇勁亂..
於是分開左2兔一朝早~

我都未訓醒就要清潔兔B個竇~期間比家姐偷拍


中午去左睇表弟bb~
佢真係好Cute~~~
希望快b識自己行啦~

晚上全家人人有節目
我就同左王上食飯睇戲~
但由於細路比朋友甩底
媽媽打黎叫我早d返去陪佢~
所以都盡快返家~
不過今年係我第一次平安夜冇係屋企同屋企人過~
覺得好特別
ATM人好多~好有聖誕氣氛...
唔知以後會點呢~

open day+家長日

連忙一星期，星期六既日子真係好唔想返學
但因為我係英文學會主席，唔可以唔返去幫忙open day既英語部分
由於下午家長日，中午食完飯呢埋係學校圖書館訓教等媽媽爸爸..
唔好講笑..我累到想喊
今個學期考全班第一，全級第二
Miss Cheng...同媽媽爸爸講，如果我keep住d成績應該入到U
氹得媽媽爸爸好開心...
不過話希望我同同學可以close d~
因為佢見我好少朋友咁
不過我覺得我同同學雖然唔太close但關係唔錯架
只係大家傾唔埋咁解姐..

學校福音週

唔好講笑..今個星期忙到想死
由於上星期先獲通知今個星期四、五要做宗教活動攤位
成為我地中六級功課
我係賣物組組長但老師臨時要求埋我負責埋換領禮物個邊
於是上星期五要去深水步買批發禮物，同組組員個個話忙唔陪我去
於是搵左其他同學陪，初初個個都話ok..
之後慢慢就話唔得
放學到我攪好廢紙回收d野返到課室
由原本幾個人陪我，得返一個...個個唔記得走左
OK...好彩都有一個男同學陪...因為佢女友係個邊返學
星期六，要去買賣物組食材同用具(我地賣木糠布丁，啫喱糖同雜果賓治)
本來同組有位組員話陪我，最後又陪唔到...
好彩同班男同學係屋企附近住，又願意陪我拎野返學校...
之後今個星期勁忙於攤位買賣..
開心既係我整既木糠布丁勁快賣曬，仲有人投訴點解唔做多D
可惜同一時間，同組組員整既啫喱糖整得味較淡
銷量唔好要平賣...其實有小小失望
不過由於第一日已賣曬木糠布丁，於是第2日我賣腸粉(去左食品批發羅貨，$60/100條)
結果本次活動賺左千幾~
而換領禮物個邊..因為禮物太吸引...最高級既發聲公仔首天就比人換曬
第2日中已有禮物換曬情況
結果比我發覺...自己做攤位d同學個個出矛招換走好多禮物...

無解

久唔久~我又會討厭自己
討厭自己唔識同人溝通
對住自己喜歡既朋友，都無法好好留住
仲慢慢疏遠..
有時會覺得自己生活得好無意思
好唔識同人溝通
今日，收到Janet message補祝我生日快樂...
次次面對佢都有喊既衝動...
之後又埋怨自己~:p

同ICE，BONNIE，MOS之聚

今晚同同ICE，BONNIE，MOS打邊爐~
見到佢地真係好開心架
雖然成日諗唔到講咩
不過ICE，BONNIE一齊既化學作用~belebala咁..
好有趣..
ICE送左個水晶蘋果我，話對讀書好的..:p
謝謝

20歲生日

上 星期家姐生日
整左個古古力蛋糕比佢
真係好古古力架

比家姐的蛋糕:



話咁快又到我生日啦
上星期日已經同家人連家姐生日一齊慶祝
去左食自助餐
由於每年生日，我都要考試
所以我都會留意當日考咩
比心機考好d個科當獎勵自己
今年考既係Chem
之前2日都唔洗考
正以為自己有幸好好溫書既一刻
呢2日轉天氣唔舒適
冇心情溫書
琴晚仲肚痛左成晚，係咁發惡夢
今朝考試前食左必理痛~
勉強挨過考試~
我生活圈子好細，所以朋友唔多
每年生日只會好平淡咁過
記得家姐中七個年生日，佢個班朋友夾埋我比surprise家姐
家姐個時好感動，但又扮曬冇野咁
其實我好羨慕佢..
成日有朋友同佢慶祝生日
如果有人咁比surprise我...
我一定感動到喊...
資訊科技方便，有d人透過facebook知道我生日
留下小小的祝賀，感謝
估唔到阿sir係第一個講生日快樂~keke
雖然肚子還痛
但基於困左幾日係屋企
下午細路返黎同佢落街行下
點知比佢氹左買波鞋比佢
生日仲反買禮物比人tim
後來家姐問細路同我講左生日快樂未
細路竟然話我個心講左..
之後坦然自己唔記得
...細路...你真令我心傷

週會司儀事件~

近排差唔多日日都同到Ms Yuen一齊返學~
好幸福呢~
不過又有d野令我唔開心~
事因上星期鄰班有同學搵我話要夾做司儀
我初初以為講緊既係下個月學生會同prefect個辯論比賽
(因為prefect副隊長係我鄰座同學
前2星期佢問我時答應左)
點知原來講緊既係今日週會朗誦表演既司儀
老師冇問過我意願，只係搵人知會我一聲
而係我問老師羅資料既時候我發覺
不但中、英、普通話3科老師自己冇溝通，夾野之外
原來一早已將我個名比左校長，要我skip 1 堂去採排
d老師仲要我去幫佢地預備曬d野，
幫佢地寫run down，改powerpoint等等
我覺得搵我做野冇問題，
不過禮貌上都應該問我意願吧..
加上預備週會過程曾經比個d指識指人做野既老師喝我
令我非常不滿..因為我覺得佢地好唔尊重我又要求多多
要我係週會講齊中、英、普通話...
上星期好忙，而佢地既要求令我加上負擔
星期一既中文個人短講考試又做得唔好..
加上諗到自己好似科科都唔掂咁...
結果急到喊.....真係覺得好唔開心架..
我普通話真係好差架，
好彩有一班識普通話既同學加陳老師協助教我讀
雖然我最後都讀唔正...加一開始曾甩嘴
不過過左週會,...我真係好開心...
接住要努力預備考試啦
其實我怕自己科科唔合格
不過....每人都有第一次
我又係時候接受現實..

頻整蛋糕

~呢幾日好多人生日呀..
所以頻整蛋糕~

雯雯既~

Bonnie既~

Ms Yuen既~整完佢呢個..我都好想食...可能明天整比家人食下

Dear Miss Hung

其實開左學咁耐，
即使入在環保學會
都實在好小機會見到Ms Hung
這麼近，那麼遠
今日放學特登留低等佢一齊走..
感覺好開心
因為終於可以靜靜咁傾下計啦

學校水運會

今年水運會終於有d新意，冇再做Time Keeper
轉左做廣播員~仲有得拍我好喜歡既Ms Yuen~
興奮到我呢~(其實覺得自己好變態)
由於覺得水運會等同放假，琴晚放任自己睇日劇睇到2:00(因為需時Download)
結果今早差D遲到，我成7:30先起身，好彩準時到~
本以為會有d時間休息下，
不過廣播員原來冇我想像中咁易做，
仲冇時間休息tim~我又冇食早餐~餓死啦
我好欣賞同我拍個男仔，應變能力非常好、都好幽默
好想學到佢咁好既應變能力...不過我做唔到咁幽默
期間眼鏡螺絲脫落令眼鏡甩左，
Ms Yuen好努力幫我整眼鏡
雖然整唔到
但令我好感動>W<
今日其實都好多mistake~我成日唔識讀d名
我希望下次陸運會做好d啦~
終於做完水運會，
去左舅舅到睇BB同食飯，舅舅幫我整好眼鏡
好勁呀~
不過朝早體力消耗完加埋同BB玩，
結果同BB玩完忍唔住要係舅舅度訓一陣先走~
~總括黎講，今日好開心

兔兔記

2個兔B終於生返d毛毛啦
不過唔知點解~金仔d毛生得快過小莉咁多
小莉生到一狒狒咁..
呢箱草係10/1係R Station第一次訂
佢地好好人咁即日送貨比我
箱草好令好綠下~





媽媽你望咩呀~









好味味既草~



媽媽，我要糖糖呀~



我係狗狗!?

瘋狂BB家族

今晚去左婆婆屋企食飯
大家都非常期望見BB
BB令我地全家族瘋狂
公公以前唔出聲，唔喜歡小朋友
變到好開朗，見到BB就笑~
舅舅成日估唔到佢諗咩...
自有左個仔就出曬慈父樣...
加上大家對住BB...個個都會變樣...
令我覺得好好笑..
BB實在太令人喜歡，成左我地家族既金波蘿>w<

BB你做咩咁眼訓又唔想訓?





睇下佢隻腳仔:



大頭B:



好喜歡蜜瓜既B:

打風+與Moe相聚

其實我真係唔明，
我地之間真係咁無緣?
點解次次約見面都打8號風架
不過，今次打風我地都見:P
琴日放學去左同傻婆係apm 食tea
之後去左吉之島齊齊買食送..
本來諗住個風走緊今日要返學，
琴晚預早做埋星期四個presentation
點知今日唔洗返學
不過5點又哮喘發，我起身食完藥都訓得唔好
呢幾次打風都咁
其實我都擔心
仲諗緊點返學好
有朋友話唔洗返學羅..
於是我繼續訓
9點幾醒時，Mos send sms我，知我唔洗返
約左我食lunch
佢同Bonnie知我又發哮喘時，
係咁話我成日唔做運動
只係識訓
叫我做多D運動
Bonnie就話
"我初初以為你本身就咁肥就唔怪你姐，
點知睇返你之前張相先知你本身唔係咁，
好心你做多D運動食少d啦。"
~我真係又肥左啦...
但冇心機運動.......="=
結果返到屋企又訓...訓到600幾...
可能因為身體唔好，佢地都冇帶過我出去玩>"<

何為教學?+湊BB日

3日連假終於放完，
除左琴日同Daddy Mummy去左帶表弟BB去shoppping
我日日都有溫書做功課架

超級市場買得到的BB:





今日上Bio~阿Sir又講英文教書
成個黑板英文字
雖然我都睇得明，
不過我地讀中文個批同學好多唔知佢寫咩講咩
有同學問老師可唔可以用中文寫多次
阿Sir竟然話"唔得，我唔係翻譯機器，
你地讀中文個d應該自己睇書備課，
學埋英文個d，我已經唔記得中文個d架啦!
你地又成日唔備課!我係唔會翻譯比你地架"
我係學校讀左7年書，從未聽過一句咁傷學生(我)心既說話
講真，我地讀中文既同學除左1,2個同學，
個個返去都有溫書備課，
問題係阿sir成日用英文講之餘，
只係照d書同notes勁快讀一次比我地聽，
我英文知識有限，唔係成日聽得明
佢照住讀同我自己睇書無分別
雖然佢間唔中有解釋內容，
但我地都聽唔明...
佢會問我地明唔明，有問題要快問
但我地成堂都唔知佢講咩..唔知邊度問起
我曾經問過佢問題，但佢好快轉話題
仲成日教錯我地/用錯詞
唔係我地問佢佢都唔知錯左..
我好有心學Bio，
但老師..你有心教我們嗎?
放左學之後去左湊BB
事因舅父佢地搬屋，
要搵人照顧BB，
我都幾開心...
因為冇諗過佢地咁信我，
放BB比我照顧
我同BB係大廈大堂，
抱住BB時，初初坐低都OK
但耐左佢唔肯坐，
我抱住佢一坐低就喊，要我企係度抱佢...
抱到佢訓著時...我覺得好有成功感架...
不過我抱住佢坐低比佢訓左30mins後
佢突然又張開眼勁喊...
我又要企係度抱佢同佢玩..
抱左成晚BB...
真係幾攰下架...

煩惱!?

下星期二學會聯招，今年做左英文(全校活動)同環保學會主席
由於改制關係，今年英文學會要招會員
上星期開會，已分配好工作，由2個副主席整board
及由2位文書整遊戲
幹事係6A班，我今個星期已經問左3次佢地點
琴日仲答我應該OK
今日再confirm竟然咩都未做
講真，我真係好失望架
佢地都由外校黎
入得黎做幹事
我當然希望佢地有責任感啦
我會覺得，一個人去到陌生環境，
如果想比人一個好印象，令佢知你辨事能力OK
第一次交比你既工作好重要，
然而，咁簡單既事佢地竟然完成唔到，
最後我放學留校2小時，
就完成左個board同遊戲問題，
過程中，只有一個人留低做野，
另外3個去左邊?
我真係唔明...
點解要搵一個有責任感既人咁難.....
之後家姐黎左接我，
咁arm當時見到Ms Yuen，叫家姐車埋佢
我真係好喜歡Ms Yuen 架(<-其實我覺自己幾變態)
不過諗唔到同佢講咩好，攪到氣氛好尷尬...
比家姐教訓左幾句..
其實佢同我住得幾近
我每朝都教arm時間係車站撞佢架..
係咪好好笑呢~
有好幾個我喜歡既朋友都有同一問題，
明明好喜歡佢，見到佢會好開心
但就唔知講咩好~keke
我係變態婆!?

買vetbed記

今日放學諗住過旺角買vetbed比BB
一出門見到幾個好耐冇見既阿sir(東區警民關係組)
禮貌上同左佢地打招呼
比阿sir問起做咩咁耐冇出活動幫手
我以學業理由推過去...
JPC總令我諗起Janet~
我好努力令自己放低....
之後去兔協...
點知一入去兔毛處處
我即刻拿曬野..哮喘
加上佢冇貨
我即走勁吸藥..
再去金魚街..
全街都冇
有好多人唔知咩係vetbed~
去到pet central
竟然比我見到星期日係
CWB Pet Central 個個外國女獸醫
我用英文問佢係咪星期日CWB見過佢
我帶住2兔B~佢記得我仲讚我好記性
我請佢幫我搵vetbed~
好彩佢知咩黎~
不過原來得CWB個間有
仲要成400幾..
心痛死....
點好呢??

寶貝兔剪毛日

因為媽媽再忍受唔到兔b..咁污穢
話出錢比我帶佢地去剪毛
原本book左今日下午2:30去North Point剪
點知朝早打去confirm時
竟然話美容師係CWB要我過去
不過有家姐陪，佢又唔介意車我去
我地放低兔B們就去左行街街啦
首先去左買狗尿片
因為小金成日周圍柯~攪到好污穢
其實我留意過小莉，佢次次好乖去廁所柯架...
點解唔教教囡囡呢??
琴日我特登買左塊隔水板
等今日同佢再整整個籠
放狗尿片係隔水板下面
希望BB就唔會再咁污穢啦
之後家姐帶我食pancake~超級滿足呀~~~

令我好滿足既pancake:

我地行埋sogo，返去睇BB
剪曬d毛毛，佢地個樣唔同曬
好似細左好多咁~
不過剪毛個姐姐話佢地隻腳仔成日比尿尿痴住
拿到腳腳損左呀
因為腳腳唔夠毛，所以會疼
小金直程流血tim...
心痛死我啦..
個姐姐話兔仔唔可以企硬板板，佢地鍾意軟既地
所以今次係籠加左2件舊衫衫，等佢地舒服D
遲D買塊大毛巾先
其實兔B都老啦，成5.6歲
不過係我心目中，佢地永遠係我個B...

睇下兔B可愛既嘴嘴:



剪毛後既B:

開學週

咁快就開左學一星期啦
覺得學校既空餘時間好悶好悶
事因班上暫時無人傾得埋
="=其他我覺得大家好嘈下
所以唔想痴過去
上課遇上問題...
除左原校生，大部分既外校生都修讀英文理科
我地班大部分係外校生
老師上堂時要中英都照顧
其實難度好高
我地依d原校生更加唔適應
老實講，d老師偏重用英文多
所以我根本有好多野唔明
問題係個老師講明自己唔記得d中文詞....
一開始就困難重重，
恐怕我科科都要補?
我都有備下課架，但唔清楚既野太多
生物課的老師好多要知既野skip左當我地識.....
我好掛住Miss Hung呀>O<""
我好希望自己有足夠能力應付A-level
但依家已心存恐懼
其實學Hung Hung話既
我唔係d好受得壓力既人
一開學已經開始唔想返去啦
其實已經有好多係個腦度要做既(Planning)
雖然唔趕，有d直程11月先要交既project~
我就係放唔低
想所有野盡快攪掂
我好明白以依家既心理狀況讀落去
好容易成為我考A-level既絆腳石
但我就係仲未調節到...

唔適應中六生活

琴晚訓得唔好，又行雷閃電，雷聲太大
令我醒左好幾次
家姐要去大學迎新幫手，2晚唔係屋企
唔知係咪聽唔到佢既呼吸聲
令我難以入睡
今日朝早返學，老師check校服時係咁攪我個頭
我係度諗佢攪咩呢?佢話我個頭啡啡地~
我o曬咀話..我冇染過髮波
小息時去左搵Ms Hung~見到Ng Sir時
佢問我係咪經比Ms Hung 霸左~我話"係呀"
之後佢竟然話"你真係唔arm"
keke~學生會~今年我愛莫能助
下午空堂諗住備下生物課~
睇睇本書，覺得好難明同好似好多野記咁~
令我覺得好迷惘，好怕自己跟唔到課程~
冇得成日見Ms Hung、Ms Vaitl...
傻婆Moe走左，冇人再陪我嘻嘻哈哈咁落山...
太多既轉變...
令我覺得難適應...
一時間急起上黎...好想喊呢....

開學日

5個月冇返學啦~真係有d緊張~
琴晚都訓唔著~
今朝一早返學~
似乎今年又好多野改左~
不過我覺得唔錯~
cycle制改左星期制~
一天上由上9堂(我上年F5 9堂,正常8堂)變6堂
每堂時間延長至55分鐘~
lunch time延長左15分鐘~
感覺上輕鬆左同帶小d書~
早會完左去左買冷衫~
價錢問題攪到我行來行去
之後去左同Bonnie~Mos食lunch....
開始有D擔心Bonnie唔要我??
Bonnie話如果第時轉左工
會連手提都轉
唔洗指意搵到佢....="=
講返學校
今年我既班主任係Ms 鄭
我覺得佢好cute架
雖然佢冇教過我~
但我好留意佢架~keke
前2年返學成日係CWB轉車見到佢~
個時就覺得Miss好可愛~
上年Sport Day 搭車又見到佢~織冷頸巾~
上星期李翁興生日，同佢同佢班同學食飯~
佢個班d男仔一聽到Ms 鄭做我班主任
不知幾咁羨慕我~
可見Ms係男仔心目中好受歡迎!?

中六迎新日+與Mos之聚

琴日晚上同王上去左睇我的機械女友
都幾攪笑架
但有d複習
今日中六迎新日，被迫回校..
不過又冇想像中咁悶既~
Lunch真係一d都唔飽...
學校竟然收$30....不如去搶!?
其實我班原校升都得8個
新同學好多...又要從新認人啦...
我..唔太喜歡呢個程序.....
今年早已答應了老師做環保及英文學會幹事
其他要推~
事因開學一定好多老師搵我幫手做學會
傻婆Moe擔心我會心軟，直程叫Ms Yuen睇住我..
Ms Yuen叫我要學識 say NO~
今日老師又開始搵人啦~
負責風紀隊既Miss問我時
我同佢表明左已入左2個唔做其他~
前2年就係因為心軟
個個老師都應承~
結果要做5個學會幹事，連埋班會
做到我想喊....
學生會~今年絕對絕對唔做!!!!
放學先知
家姐同Daddy Mummy 都唔係屋企食飯~
於是拉左同事Mos陪我行太古
一路諗起當初我點認識Ice、Bonnie同Mos
keke~
當初我覺得Ice同Bonnie好惡架~kaka
但相處落又好喜歡佢地
Mos突然同我講返當初我arm arm返工
有次打比個講國語既客時，我好大聲咁搵人求救
佢心諗"有冇攪錯,普通話都唔識?讀咩d未得羅~"
佢話個時唔識我又以為我係長工，所以冇幫我
結果有另一位同事好好咁幫左我~
叫我講普通話...我真係想死架~仲慘過講英文="=
原來~Mos都有D邪惡架>o< 後來佢見我成日一個好悶
有日買野比我飲
佢話冇諗到我咁開心~
其實我好容易比食物俘虜~
送野食比我~就好簡單搶走我歡心
之後回程時， 談及我好小朋友既事~
我話冇人估到我年紀="=
Mos竟然話我帶個大二同我同年既朋友同我比較
..................咁我真係過份幼稚!?
我諗我真係要好好檢討一下...
我唔要做小朋友呀!>O<

與Moe相聚

今天早上約了Moe去看書店
之後一起去吃飯~
沙田商場真的大得很
買了一個白色的新袋袋
很可愛的(Moe簡的喔)
送了自己寫了8個月給她的日記
與她一起~昨天不快的情緒就不見了
下午去了她家~
一起看了"我們這一家"
很有趣>W<
借了她的圖書便回家去了
晚上與舊同學吃飯，慶祝他生日
今天很充實喔~

東涌一日遊

上星期買了很可愛的schedule，十分的喜歡



今天去了東區少訊，今年多久沒回去呢!?
數數指頭，我也只去了3次
以前的我，差不多每天也去吧
我很明白自己現在與Janet的關係有多遠
以前糖痴豆，依家數埋冇10句..
因為我唔知講咩好
只要一段時間不溝通，分別可如此之大
今天的節目，是早一個月之前已被通知
去東涌食自助餐..
詳情其實我並不清楚..
可見我沒有關心JPC!?
食自助餐之前..會在東涌商場shopping??
大家都在走衫店...但我不太喜好...
去了看書店
想想要改善一下自己的英語能力
買了一本似乎不錯的英文勵志書
一切由這裡開始吧~



東涌的環境也很不錯呢~
天空很美



自助餐的甜點的不錯^ ^



我發覺自己愈來愈唔識同人溝通
甚至融入唔到團體
我唔識好似大家咁bele bala.....
唔好似大家咁shopping
唔識攪gap
佢地玩既，講既，做既...我都唔識...
食野係好開心...
但次次去完JPC
我都會情緒低落
打比Mos....聽到佢同Bonnie把聲
似乎開心小小...
="=我愈來愈討厭自己tim

肥胖的副作用

暑期究竟肥左幾咁多?我真係唔敢再諗
不過，可以肯定既係
我係唔可以肥既人
事因次次暴肥
我身體都會有異常問題
包括頭暈頭痛...耳水唔平衡
今次暴肥以致嚴重鼻感敏感繼以引起氣管敏感(哮喘)
其實我相信個Main Point 係我無做運動太耐
令抵抗力下降同體重增加
琴日打9號風，令我全日節目取消
完本我約左傻婆Moe架...cancel時佢話"算啦，我地無緣見面。"
....唔通，連個天都唔鍾意我?
不過...我琴日全日都呼吸辛苦，吸左幾次藥
但每一、兩小時又發作
我都訓得唔好
今早立即睇醫生，同護士講我呼吸困難
佢地即刻比我插先(原本要排1小時)
醫生話我有小小感冒引致氣管敏感同鼻感敏..
我食左藥勁眼訓..出街食完野返屋企途中訓到食飯
其實都係好同事/朋友一個電話叫醒我
親愛既Bonnie，你既來電令我好開心呀~gege
次次同事打黎問我做緊咩，我都答訓緊教
Bonnie成日笑我成日只識食同訓..好肥架
gege~但我已經好肥
暑期剩返一星期，好緊張呀>"<""""""

暑假!?

已不用上班2天,在家無所事事,
昨天外出走走,想買的都買不到:p
今天去了整頭髮...
很開心..頭髮終於平衡了~keke~
很想念同事..這2天也有回去看看他們..
結果Bonnie說"冇野做做咩唔返工!?"
其實我都幾犯賤架,
冇野做時就想返工..
但返工又想放假....="=...
但我計過..依家唔放..遲d AL都冇機會休息......

自助晚餐

今日算是特別的日子吧~
全家人為慶祝我17分升到中六
去左怡東酒店一樓咖啡廳食Dinner buffet
講真，我好鬼死感動
我位lovely sister 竟然對我好有信心
覺得我一定升到
絕對唔擔心~
放上家姐映的食物照 :

我好小食生蠔，但睇落好吸引，唔食好浪費架~















今晚的係龍蝦湯，好好好好味架(其實我好鍾意西湯)






呢個雪糕本應好吸引...不過溶o既


我都好喜歡呢次buffet
成3百幾架~真係勁奢侈~:p

辭職

今天是lastday,昨天走前才知會上司..
結果他反應很大..對不起喔。
其實知我會走的人並不多,
我也想走得低調點:p
說真的...我好不捨得Bonnie和Mos...>"<
感覺與他們離別後,我不會找他們...
我是很奇怪的人,總是怕打電話煩到別人。
不過他們有聚會也不會叫我,
因為我不煙不酒,大家很怕教壞我...
其實偶然我也不想太乖,很想跟他們去玩="=...
我也想當一下壞女孩喔!?

公司消息傳出速度

前2天做的cookie~
因為昨天八號風,cookie今天才給同事。
星期四是開會日子。
總部2位職員一回來就跟我祝賀升到中六...
下午連辭了職的總部職員都回來道賀,
雖然還是高興的。
不過公司高層人員的消息傳播速度未免太快了吧。
老實說,平常我沒怎跟他們溝通,
這次的情況好讓我懷疑老細是不是很留意我="=....

放榜日

琴日ICE生日,去左長沙灣陪佢慶祝,
送上自制的蛋糕,她很高興,使我也很開心。
答應了放榜後會致電告知成績
努力使自己累累的,這樣回到家便可以不用想太多,睡至放榜....
結果突然的一個電話使我無法再安睡..。
今天早上出門,什麼也忘了帶,不過成績倒有點意外,有17呢。
雖然這成績不是特別高,但相對第一次的1分,已進步很多了,
相信幾年來最使全家族高興的是今天了。
感覺~終於放下幾年來的大石,
重讀的機會,我沒有白白浪費,
我懷著開心的心情為每一個關心我的人報上喜訊
身邊的人都為我感到高興,
什至收到Daddy第一次send我的SMS,
實在叫我不得不感動。
手續完成後,與傻婆跟Ms Yuen一起食飯,我真的十分高興喔>W<
老細突然致電問結果,實在意外:p
其實老細幾八架keke~
聽到結果的反應時,竟說"升到?就要請食野啦!"
明天做點cookie吧。
我睡了一整下午:p
明天辭職,要預備中六課程和減肥了。
傻婆今天last day了,傻婆有趣的跟我說,
"我地終於可以做單純既朋友"
以後不能常常見,我也很心痛喔>"<

暑期工

今年的暑期工~
在城中駅當行政助理,
我學習/見識了很多,遇見很多不同種類的人,
相比起上一份工作,這裡的有更深的感受和體會,
我不得不承認自己其實很小朋友..
因為我的人生閱歷太少,遇到的人和事也比人少。
不過可貴的是認識到很好的朋友~Bonnie~Ice~
我希望自己學習多點...唔好再咁情緒化:p
....我肥左太多...唔想見人...快放榜了我好希望可以升讀中六....

赤柱一天遊

今天一家去了赤柱一天遊,
老實說很久沒外出走過,
雖然天氣熱熱的,但我也很期待。
一家人去了一間叫wildfire的地中海餐館,
價錢不便宜喔,不過Daddy說明天出糧,他請這餐。
我很欣賞這裡的食物,感覺不膩^^。

貼上以下姐姐拍的食物照:



我點了這杯Apple Mint,超喜歡:p用了新鮮薄荷,蘋果和蜜糖,超爽~