婆婆生日

冇寫幾日blog la~
事因幾日又病又要趕功課~
幸好bio阿sir~改左下星期三先收report
所以我今日終於可以休息一下
其實每次做好一份功課，我都好有滿足感，
因為距離自己可以休息既時間又多一d
我無辦法好似其他人返到學校先趕功課
然後一日推一日
因為呢種感覺會令我好辛苦
雖然又時我都係會最後一刻趕功課
但點都會前一晚通宵做好佢~
起碼之後訓教都訓得安心d :p

講返星期日婆婆生日~
又係大家聚埋一齊既時間~
又係玩BB既時間啦..
我好喜歡同BB玩~但..病緊既我
只好帶住口罩啦~唔好傳染BB嗎..

BB又精靈左，鍾意手指指~

每年同家姐都會映下合照~
呢張係幾年前~



呢張係今年~我地愈黎愈似樣...

真係唔知佢望緊咩..="=


然後循例既一大親親大合照~

媽媽教得13個月既BB畫畫..BB好傳神咁羅住支筆...有模有樣~:)

星期五要去大亞灣啦~但我仲未好返~

好怕人地唔比我入境呀~~~~!!