有感而發

唔知近排咩事~
不過心情有時好興奮~
尤其上上下堂無聊情況下，我會走去撞下身旁同學
得閒發下癲咁啦下~
之後傻笑下又會引起身旁同學發笑
嘻嘻~
近來追人地d blog 成為左我既樂趣，
更有其中一個比出版社邀請去出書~真係令人震奮既消息
因為琴日一返到屋企就一路咁訓..結果9個鐘後，起身已3am~
心情好~打下Blog~
琴日有同學唔開心~同班同學因而為佢打xanga回應~
當中既一句~「管理那些妳能控制的事，不理那些妳不能控制的事」我覺得幾arm聽~
雖然呢個道理，我一早明白~
不過有時我會覺得，當事情發生既時候，
一時間未必真係可以好好控制自己情緒既，而依樣野都要好好咁學習
[不理那些妳不能控制的事]可以係一個幫自己平復心情既理由，
不過對於我呢D人，都無咩遇過佢個類既朋友間問題，
大概因為我朋友唔多、少同人交心，
或者可以話我成日選擇同人保持某一程度距離，
因為怕太相信人地或自己依賴左人地既時候
自己好容易受傷害，其實咁樣唔知叫唔叫自私啦~但咁樣好似唔多健康咁
就如青青咁講，我比佢既感覺同初初識我唔同，好幾個同學都咁講過~
全因我份人好慢熱~


琴日週會，身旁同學係咁同我傾計，完全唔停..
對於我依D較喜歡靜既人....不其然會有小小煩..
所以倒返轉我去攪另一邊同學....令個同學stop...當然唔成功
你可以話我衰.....但平常我好少講人是非..
當初好多同學係我面前數佢是非，我都只以為佢唔太識同人溝通
由於我讀d科同個位同學係唔同..所以我冇意去話個位同學好定唔好..因為了解唔深
直至有日有幾位同學同我講佢講左一句"你地讀中文既人不如唔好讀"
我就發覺，呢一個唔係佢識唔識同人溝通既問題
係佢識唔識尊重人既問題
琴日佢同我講，話上學期佢冇幫手整班壁報，有位老師係操行會議提出黎
影響左佢平時分
佢覺得係Ms Cheng做，我就話"唔會既"(我估佢唔知我喜歡Ms Cheng)....
佢話有位老師同佢講返，仲話"我唔覺得你似D咁冇責任感既人"
佢話比佢搵到邊個老師指佢出黎，個位老師唔會好過
我覺得，你係真係冇幫手做野就係你有錯、唔做返自己責任既野即無責任感
有老師提出而你去怪個位老師即係你唔承認自己做錯，
仲話"個位老師唔會好過"時顯示佢根本冇反省自己既錯
佢同我提有老師話唔覺得佢似D咁冇責任感既人
咁即係話佢覺得自己好有責任感?
作為Head prefect 同公民教育先鋒既佢
首先，prefect我真係冇咩見佢On 過Duty~以往Head prefect 晨咁早就日日同vice一齊on
公民教育先鋒~我同佢講過我地環保過邊每星期五廢紙回收都要佢幫
因為我地本身全女班
點先佢黎頭一次就冇再黎..
提左佢都唔黎~到後來問返佢就話"我唔得閒"
咁你可以早d同我講/搵人話我知，等我搵其他人幫我吧...
呢d叫有責任感嗎?我唔認為係口羅.....
之後佢又話平時中英文堂都好悶..
所以佢先睇報紙同訓教..
佢坐我後面
我見佢中文堂睇報紙係成份羅上檯面睇...
我覺得秀絹今年講書比以往有趣好多~唔係好悶姐
至於佢中文堂睇報紙係成份羅上檯面睇..
我覺得已經係絕對唔比面老師，話佢知我唔會上你堂啦
我承認自己有時都唔係好專心...但都唔會過份到做曬出面....
以上呢點就會知其實佢操行分既影響可能全因佢課堂表現，未必只係佢唔做board影響

Arm arm先 考完試，要做既野一羅羅
星期四 "服務顯愛心"表演綵排
星期五 辯論比賽做司儀要綵排(未預備好)
星期六"服務顯愛心"要表演.
星期一 宣傳sport day 英文生字(未預備好)
星期二 辯論比賽做司儀
星期三 sport day 做廣播
另外 預備5月科學環保問題比賽環保問題60條+幫圖書館設計書籤+買HSM服飾...
未溫到書同做運動.......已經做死左........................................................