辯論比賽

平時每逢星期二既我，因為有2堂空堂既關係，只須上4堂
今日因為辯論比賽既關係，我只須上2堂
我既角色..又係司儀啦~不過今日真係完全鑼到爆呀我
我本身未參與過辯論比賽..只看過一次..記憶模糊
所以一直勁緊張...正反相方成日唔記得係邊面
之後某一環節又忘記左一方未發言...自己走左去end個環節
某一方要扣分又攪錯左....
真係覺得自己做得好差呀..............
不過，意外地，今日d同學好專心好有反應..
當我話某方要扣分時...大家反應好熱烈..

聽日係陸運會......以前陸運會巧巧瑤瑤都會整野食比我...
依家冇左佢地，只好自己做啦~
瑤瑤多數整壽司，巧巧整波蘿腸..我一直以為整壽司好容易....
對於做甜品易上手既我...錯估自己既能力
預備材料、整壽司飯既過程完全冇問題
問題係邊?就係我唔識捲同切唔到..
一開始唔識捲，浪費左d飯...到捲到...又切唔到波
我用左唔同既利刀...都無法靚靚咁切開..
結果由刀工好既家姐出馬..都只比我好d
唔好睇小我家姐
平時切鱔、豬頸肉、三文魚都由佢出手架...
結果是次壽司味道ok，但樣唔多掂...
家姐唔奮氣...話要星期五再整波~
佢上網搵資料..原來切既刀有秘訣架...等星期五試完再報告啦~
切口唔齊既壽司之作

星期六同王上去左食麻布茶房
爆開心，仲食到好好好好味既刨冰~